Idili ang Pagtabako Diha sa mga Ayroplano?

Si Lee S. Glass nga usa ka doktor ug abogado dili pa dugay naghisgot niining kontrobersiyal nga tema diha sa artikulo sa Newsweek.

Siya mitaho: “Dihang nakigsulti ako sa superbisor sa maintenance mahitungod sa pagpanigarilyo, gisultihan ako nga dakog magasto niini ang mga kompaniya sa ayroplano. Ang tanang mga libra sa tabako nga mahimong onsa sa abo dili daling mawala. Tapos mabilin ang daghang carcinogens o substansiya nga mopahinabog kanser diha sa mga baga sa manigarilyo, sila moadto sa sistema sa bentilasyon, nga makadaot sa mekanismo niini sama sa atherosclerosis. Kanang asoha mobara diha sa metal tubing ug sa samang paagi mobara usab kini diha sa kaugatan sa manigarilyo, ug dako ang magasto aron mapaayo ang mekanismo.” Nan nganong gitugotan sa mga kompaniya sa ayroplano kining walay hinungdang paggasto, dihang ang pagdili sa pagtabako makadaginot man kanila ug dakong panahon ug salapi? “Ang rason nga gitugot kadto sa kompaniya sa ayroplano,” miingon si Glass, “tungod kay ang buhis nga makuha gikan sa halin sa tiket ngadto sa mga manigarilyo mosobra pa sa kantidad nga madaginot pinaagi sa pagdili sa pagtabako.”

Wala mouyon si Glass niining pangatarongana. Siya miingon nga sa ulahi, ang gamayng mga alakansi mabawi pinaagi sa pagpaluyo nga ihatag sa mga dili-manigarilyo ug sa “tanang batok sa pagtabako nga organisasyon gikan sa Savannah ngadto sa San Francisco.” Sa ulahi, ang mga kompaniya sa ayroplano “makapasakay sa mga manigarilyo, nga dili makapanigarilyo, tungod kay walay lingkoranan alang sa manigarilyo. Ilang mamenosan ang ilang gastos sa maintenance tungod kay ang ilang mga bentilasyon luwas man gikan sa mga aso. Makahimo unta sila ug dakong lakang sa pagpauswag sa panglawas sa nasod ug hayan sa dili-direktang paagi makatabang sa pipila ka tawo sa paghunong sa pagpanigarilyo.”