Gikan sa Among mga Magbabasa

Kahinlo

Sa nagbasa sa “Pag-atubang sa Hagit sa Kahinlo” (Septiyembre 22, 1988) nakapalandong ako sa paagi sa akong pagmatuto. Sa pagkatinuod, kadto dili-makapahimsog ug dili-hinlong kahimtang, tungod sa pagkaignorante ug sa kakulang sa kahibalo. Human nakabasa niining gulaa, ako nahibulong nganong nakapabilin akong buhi niadtong dili-makahimsog nga mga kahimtang. Dugang pa, salamat kaninyo sa makatabang nga listahan diha sa mga panid 10 ug 11. Kini nakatabang nako sa paghunong sa pagpalangan pa sa mga butang. Dihadiha nakong gihinloan ang mga butanganag pinggan, ubp. Akong gisanta ug napuo ang mga ok-ok.

S. M., St. Lucia, West Indies

Nangamatayng Kabataan

Ingong usa ka doktor, buot kong ipahayag ang akong reaksiyon bahin sa “Minilyong Kabataang Mangamatay—Unsay Makaluwas Kanila?” (Septiyembre 22, 1988). Gipabilhan ko ang mga paagi nga gihisgotan aron masumpo kining kamatay: ang maayong pagkaon (gihatagag pasiugda ang pagpasuso) ug ang maayong kahindikan. Apan, inyong gipunting usab ang mga bakuna ingong usa sa mga paagi nga gituyo sa pagluwas ug mga kinabuhi. Naglikay kamo nga “malangkit” pinaagi sa pag-ingon nga ang Pagmata! wala magrekomendar ug usa ka matang sa medikal nga tambal batok sa lain. Sa akong opinyon, ang kamatuoran nga inyong gipatik kining impormasyona sama ra nga may gikilingan kamo. Dili ba peligroso ang pag-una sa intereses sa komunidad kay sa indibiduwal nga intereses? Ang ubay-ubayng grabe, o makamatay, nga mga komplikasyon nagpamatuod nga nangadaot ang tawo tungod sa mga bakuna.

D. G., M.D., Pransiya

Akong nakita kanunay nga makaiikag ang inyong mga artikulo, ug gipabilhan nako ang inyong pagsobli. Apan, diha sa inyong Septiyembre 22 nga gula, mopatim-aw nga sayop ang inyong impormasyon bahin sa pagkaepektibo ug sa mga kapeligrohan sa mga bakuna.

J. V., Pransiya

Daghang mga butang nga ginahimo sa mga tawo sa pagpangitag maayong panglawas nga dili kaayo maayo. Ang uban motomar ug medisina nga dunay dili-maayong mga epekto, nga nagtuo nga ang mga kaayohan mas labaw kay sa mga kapeligrohan. Daghan ang nag-isip sa bakuna nga sama niini. Among giisip ang bakuna nga usa ka personal nga butang, apan angay dawaton sa usa ang bisan unsang legal nga sangpotanan sa iyang desisyon.—ED.

Tinudlong-Buluhaton sa mga Ginikanan

Sa dihang giduaw namo ang mga tunghaan uban sa magasing “Mga Ginikanan—Kamo May Tinudlong-Buluhaton Usab!” (Septiyembre 8, 1988), kami gisultihan nga kinahanglang ipresentar una kini sa Superintendente sa mga Tunghaan. Sa mibalik ako human nagbilig usa ka kopya sa iyang sekretarya, misugyot ako nga magbilin ug pipila ka gula diha sa mga lawak-pahulayan sa mga magtutudlo. Apan siya miingon: “Maayo pa, kay nabasa na man nako ang impormasyon, nganong dili ka magdalag mga usa ka gatos ka kopya sa akong opisina, ug atong iapod-apod kini sa tanang mga magtutudlo.”

K. A., Tinipong Bansa

Luyoluyo ako nga prinsipal sa usa ka tunghaang elementarya sa 655 ka estudyante. Human nga nagpabilin akog kopya sa Pagmata! uban sa prinsipal, siya mihukom sa paghimog mga sulat sa mga ginikanan nga binase niining maayong isyu. Sa sinugdan nabalaka siya nga ang magpapatik basin dili gusto nga mokutlo siya gikan sa Pagmata!, apan gipasaligan nako siya nga dili kini problema. Apan, maayong pasaligan ninyo siya bahin niini.

S. S., Tinipong Bansa

Kami walay tutol bahin sa impormasyon diha sa “Pagmata!” nga gamiton alang sa maong katuyoan basta ipunting ang “Pagmata!” nga mao ang tinubdn niini.—ED.