Labing Mahuyang nga mga Biktima sa Tabako

ANG Surgeon General’s Report sa 1989 nagpakita nga kon mas bata nga magsugod ang tawo sa iyang pagtabako, mas dako ang posibilidad nga siya mamatay sa kanser sa baga. “Ang mga tigtabako nga magsugod lapas sa 25 anyos makabaton ug kanser sa baga sa proporsiyon nga 5 ka pilo kay sa dili-tigtabako; ang mga tigtabako nga magsugod sa 20 ug 24 anyos may proporsiyon nga 9 ka pilo nga mas taas. Ang mga tigtabako nga magsugod sa 15 ug 19 anyos may porporsiyon nga 14 ka pilo nga mas taas ug kadtong magsugod sa pagtabako nga wala pay 15 anyos makabaton ug kanser sa proporsiyong 19 ka pilo nga mas taas kay sa mga dili-tigtabako.”

Diha sa kadaghanang mga kaso ang pagtabako maoy sinugdanan lamang sa pagkahubog sa droga. Ang mga batan-on sa panuigong 12 ug 17 nga nagatabako nadiskobrehan nga 10 ka pilo nga may posibilidad nga mogamit ug marijuana ug 14 ka pilo nga may posibilidad nga mogamit ug cocaine, hallucinogens, kun heroina. Daghang mga pagtuon nagpaila nga kapin sa 90 porsiento sa mga giyanon sa alkohol ug heroina maoy hinabako.

Ang dili pa dugay nga surbi ni Gallup nagpakita nga 64 porsiento sa mga tin-edyer mipabor sa pagdili sa mga tabako alang sa mga tawo ubos sa 21 anyos ug nga “ang nagabatok lamang sa maong mga balaod diha sa mga lehislatura nagagikan sa mga edaran nga nakasapi pinaagi sa pagpamaligyag mga tabako sa mga batan-on.”​—Psychiatric, Mental Health, and Behavioral Medicine News Update, Marso-Abril, 1990, panid 1.