Kitang Tanan Nagakinahanglan sa Pagtuon
1 Sa atubangan kadto sa iyang mga tinun-an nga si Jesus miampo ngadto kang Jehova: “Kini nagakahulogan sa kinabuhing walay kataposan, ang ilang pagbaton ug kahibalo kanimo, ang bugtong matuod nga Diyos, ug sa usa nga iyang gipadala, si Jesu-Kristo.” (Juan 17:3) Oo, ang tanan sa mga tinun-an ni Kristo nagakinahanglan sa pagbaton sa maong kahibalo. Atong mahimo kini pinaagig personal ug banaynong pagtuon, ug pinaagig pagtambong sa mga miting sa kongregasyon. Aduna ba ikaw ing mapuslanong eskedyol alang sa regular personal nga pagtuon?
2 Ang bag-ohang mga interesado mabenepisyohan ug dako pinaagig pagbaton ug personal nga pagtuon sa Bibliya sa balay. Hinuon, aron mouswag sa espirituwal, sila kinahanglang mopadayon sa pagbaton ug kahibalo ug unya ipadapat ang ilang nakat-onan. (Heb. 5:13, 14) Ikaw ba nagabuhat niana?
3 Ang batan-ong mga alagad ni Jehova anaa sa maayo kaayong posisyon sa pagkuhag kahibalo. Ang ilang mga hunahuna maikagon sa pagpasulod ug impormasyon, ug sila sagad matinguhaon sa pagkasayod sa rason alang sa mga butang nga ilang ginatun-an. Si Jehova nagalalang kanato uban niining maong tinguha. Gamita ang imong panahong maalamon sa pagbaton ug espirituwal nga kahibalo, nga ‘nagapalit sa angayng panahon’ alang sa personal nga pagtuon.—Col. 4:5.
PERSONAL NGA LIBRARYA
4 Aduna ka bay personal o pamilyang librarya? Nasudlan ba kana sa mga tomo sa Awake! ug The Watchtower, ug sa librong Aid, ug sa mga basahong atong gigamit sa Pagtuon sa Libro sa Kongregasyon ug sa mga miting sa Kingdom Hall? Aduna ba ikaw ing Watch Tower Publications Index 1930-1985 ug ang mabatonang daandaang mga basahon sa Sosyedad?
5 Imong makaplagan ang bililhong impormasyon diha sa daandaang mga publikasyon. Ikaw ba nakabasa ug nakatuon na sa pulyetong Jehovah’s Witnesses and the Question of Blood? Ang daandaang Yearbooks nagbutyag sa kasaysayan sa buluhaton sa lainlaing mga nasod. Ang librong “Your Will Be Done on Earth” naghatag ug maayo kaayong pagpatin-aw sa mga tagna ug mga panan-awon diha sa basahon ni Daniel.
6 Adunay panginahanglan sa indibiduwal ug pamilyahanong pagtuon aron mahimong malig-on sa espirituwal ug masangkapan gayod alang sa pag-alagad sa kanataran. Komosta man ang imong nahimo niini? Ikaw ba nagaandam alang sa mga tigom sa kongregasyon? Nagaandam ka ba alang sa ministeryo sa kanataran sa tinguha nga mahimong epektibo kutob sa mahimo? Ikaw ba nagabasa sa imong kopya sa Nangatarongan Pinasukad sa Kasulatan? Imo na ba kanang gigamit diha sa pag-alagad sa kanataran?
7 Gamitang Index aron kaplagon ang mga tubag sa imong kaugalingong mga pangutana ug niadtong iatubang kanimo sa mga tawong imong mahibalag sa ministeryo sa kanataran. Makaplagan sa mga ansiyano nga ang Index bililhong instrumento sa pagkakaplag sa impormasyon nga moabag niadtong moduol kanila sa nagapangayog espirituwal nga pagbulig.
8 Nagatambag ang 2 Timoteo 2:15: “Panlimbasog gayod nga itanyag ang imong kaugalingon nga inuyonan sa Diyos, . . . nga nagapanudlo sa pulong sa kamatuoran sa hustong paagi.” Sa pagbuhat niini kitang tanan nagakinahanglan sa pagtuon ug sa pagpadapat sa atong nakat-onan.