Pangutana

● Kanus-a nga hustong ibilin ang libreng literatura, ug sa unsang paagi himoon kini?

Kon adunay interesado apan dili makaabot sa alamotan sa basahon, atong mahatagan ang maong tawo ug usa ka pulyeto, usa ka daandaang magasin, o usa ka tract. Tingali ang pipila ka daandaang mga gula sa atong mga magasin ikapang-apod-apod nga walay bayad sa dihang magaduaw sa ‘nursing homes’ ug mga ospital. Apan, ang maayong panghukom kinahanglang gamiton kon pila ug kon unsa ka subsob nga ang mga magasin ibilin sa usa ka dapit, sanglit kay sa pipila ka dapit kadtong nagadumala nagreklamo nga daghan ra kaayo ang gikabilin.

Ang pipila ka magmamantala usahay mobilin ug usa ka daang gula sa magasin sa ganghaan sa dihang walay tawo ang balay. Apan, kon ibilin ta ang mga magasin nga walay pili lang sa mga balay nga walay tawo sa matag panahon nga gikobrehan ang teritoryo, ang mga tawo maghunahuna nga libre diay ang maong mga magasin. Busa maayong gamiton ang pagkamaalamon niining bahina. Kon ang kongregasyon masuliran tungod kay daghan kaayong daang mga magasin ang gipangbilin sa mga balay sa dihang wala maabti ang mga tagbalay, sublion sa mga ansiyano kining puntoha ug maghimog mga sugyot nga angay sa teritoryo ug sa labing ikaayo sa buluhaton. Mahimong mas tukma nga tracts ang ibilin sa dihang dili maabtan ang mga tagbalay.

Sanglit kay ang kalibotanong mga tawo uban sa daotang mga motibo mangitag panggawas nga mga timailhan nga ang balay walay tawo, ang usa ka tract o daang magasin nga ibilin sa ganghaan kinahanglang matago.​—Mat. 7:12.