“Kini Mao ang Dalan”
1 Nagaingon ang Isaias 30:21: “Ang imong mga igdulungog makadungog sa usa ka pulong sa imong likod: ‘Kini mao ang dalan. Lumakaw diha niana, kamong katawhan.’” Kanang “pulong sa imong likod” mao ang tingog ni Jehova nga nagasulti pinaagi sa iyang Pulong ug kapunongan. Ikaw ba nagatuman sa maong “pulong,” ug nagaabag ka ba sa uban sa pagsanong niana?—Sant. 4:17.
2 Kadtong atong ginatun-an kinahanglang moapresyar nga si Jehova aduna ing organisasyon ug mapalihok sa pagkooperar uban niana. (Roma 12:5) Unsa may atong mahimo sa pagpasiugda sa papel nga gidula sa organisasyon diha sa ilang mga kinabuhi?
GAMITAG MAAYO ANG ‘BROCHURE’
3 Ang ‘brochure’ nga Mga Saksi ni Jehova—Nahiusang Nagabuhat sa Kabubut-on sa Diyos sa Tibuok Kalibotan mahimong mapuslanon kaayo sa pagtultol sa mga estudyante sa Bibliya ngadto sa kapunongan ni Jehova. Kini nagahimog epektibong paggamit sa Kasulatan, mga hulagway, ug sa repasong mga pangutana. Maoy makaayo nga gugolon ang napulo ka minutos o mas pa sa kataposan sa matag pagtuon aron hisgotan ang impormasyon gikan sa maong ‘brochure.’
4 Ang estudyante kinahanglang palig-onon nga sublion ang bahin nga inyong kobrehan nga abante pa sa panahon. Hayan inyong malimitihan ang inyong panaghisgot sa usa o duha ka pangutana. Pananglitan, sa dihang hisgotan ang “Gitigom ug Gisangkapan ni Jehova ang Iyang Katawhan Alang sa Buluhaton,” imong magugol ang interong panahon sa ikatulo nga pangutana sa panid 11.
5 Gamitag maayo ang mga hulagway diha sa “Mga Kongregasyon Alang sa Pagpalig-on Diha sa Gugma ug Panaghiusa,” sugod sa panid 12. Nganong di gamiton kini aron ipakita ang pasukaranang mga responsabilidad sa mga ansiyano? Kini magpasayon sa estudyante sa pagduol sa mga ansiyano sa dihang makasugamak ug mga suliran.
6 Sa dihang sublion ang mga tigom, tagda lamang ang usa sa kada semana. Kini matagad sa dihang magahisgot sa tubag sa pangutana 2 diha sa artikulong “Mga Tigom sa Pagtukaw sa Gugma ug Maayong mga Buhat.” Ipakita sa estudyante kon unsaon sa pag-andam para sa Pagtuon sa Basahon sa Kongregasyon.
HIMOANG YANO
7 Sama sa pagkanayon sa usa ka igsoong lalaki: “Ang butang nga pagapanlimbasogan mao ang pagkayano. Duha lang ka kasulatang teksto, usa ka mubong panaghisgot nga magtukbil sa panginahanglan nga makatambong sa mga tigom, ug motuo ka ba niana?—misaler kini!” Ang laing igsoong lalaki miingon: “Sa akong pambukas ug paniklop nga mga pag-ampo, ako kanunay nga ipunting ngadto sa organisasyon ni Jehova.”
8 Sa paggamit niini nga ‘brochure’ nga regular, tugoting atong tultolan ang mga estudyante ngadto sa kapunongan ni Jehova ug moduyog kang Jehova sa pag-ingon, “Kini mao ang dalan.”