Pangutana

● Unsa ang mga kaakohan niadtong nagaalagad ingong ‘attendants’ sa mga miting sa kongregasyon?

Ang ‘attendants’ mopakitag mainit nga pag-abiabi sa tanan nga motambong sa mga miting. Ang ilang kaakohan nagalakip sa pagpalingkod sa mga naulahi, pagrekord sa gidaghanon sa mga tumatambong, pagmentinar sa kalinaw, ug pag-atiman sa bentilasyon sa Kingdom Hall. Ang ‘attendants’ kinahanglang mahigalaon, kasaligang mga igsoong lalaki nga adunay tinguha sa pagtuman sa ilang mga responsabilidad.​—om p. 63-4.

‘Attendants’ kinahanglang alisto bahin sa mga panginahanglan sa mga bag-ohan, pabation silang giabiabi, ug tabangan silang makakaplag ug kalingkoran. Sa dihang giyahan ang mga bag-ohan ngadto sa mabatonang lingkoranan, ang ‘attendants’ manlimbasog gayod nga dili makadisturbo niadtong nanglingkod na. May mga panahon nga ilang hatagan ang mga bag-ohan sa magasin nga ginatun-an.

Ang pagmentinar ug kalinaw sa panahon sa mga tigom hinungdanon. Tungod kay atong gidasig ang mga ginikanan nga dad-on ang ilang mga anak sa mga miting, usahay adunay mga pagbalda. Apan sa dihang ang mga bata padayong lihokan o maldito, ang usa ka ‘attendant’ sa maluloton motabang, tingali mosugyot sa ginikanan nga dad-on sa gawas ang bata sa makadiyot. Kon ang mga ginikanan maglingkod uban sa ilang mga anak sa dapit nga masayon ang paggula, kini adunay diyutay lang nga pagkabalda sa uban.

Sa mga dapit nga suliran ang seguridad, ang ‘attendants’ kinahanglang itudlo sa pagpanalipod batok sa bandalismo o pagtugaw sa mga magsusupak. Kon adunay mosulay sa pagbalda sa miting sa sulod sa Kingdom Hall, siya kinahanglang hangyoon nga mobiya. Kon siya modumili ug mopadayon sa pagpangdisturbo, mahimong mokontak ang mga ansiyano sa mga awtoridad. Sa pipila ka dapit basin gikinahanglan nga ang tinudlong mga igsoong lalaki mosusi sa mga sakyanan nga giparking sa gawas sa Kingdom Hall samtang ang mga tigom nagapadayon aron malikayan ang kadaot ug pangawat.

Sa dihang iphon ang nagatambong, ang tanang hamtong maingon man sa kabataan nga nagapaminaw ug nakabenepisyo, bisan kon limitado lamang, gikan sa usa ka tigom kinahanglang iphon.​—km 9/79, p. 4.