Pagtuman sa Atong Ministeryo sa Gingharian Ingong mga Saksi ni Jehova
1 Ingong mga Saksi ni Jehova kita aduna ing labing dakong pribilehiyo ibabaw sa yuta. Kita nagahawas kang Jehova diha sa usa ka kaso sa unibersohanong korte nga nagahusay sa tanan niadtong gisimba ingong mga diyos. (Isa. 41:1, 23; 43:12) Sa pag-abag kanato nga makapanalipod sa atong paglaom, si Jehova mitaganag kompletong librarya sa mga publikasyon. (1 Ped. 3:15) Ang Watch Tower Publications Index makabulig kanato sa pagkaplag sa impormasyon nga atong gikinahanglan.
2 Ubos sa lintunganayng ulohang “Jehovah” diha sa 1986-1989 Index, imo bang makita ang mga reperensiya nga nagpatin-aw sa temporaryong pagtugot ni Jehova sa pagkadaotan? Usab, ubos sa nasentrong ulohang “Name” diha sa 1930-1985 ug sa kinabag-ohang Index, imong makaplagan ang mga reperensiya sa tanan nga napatik maylabot sa ngalang Jehova.
3 Ang laing dakong ulohan maoy “Jehovah’s Witnesses.” Nagalakip kini sa mga reperensiya bahin kanato ingong usa ka organisasyon. Nahibalo ka ba kon unsa ang atong opisyal nga panghunahuna maylabot sa abanteng edukasyon, awtopsiya, o pagpatay diha sa depensa-kaugalingon? Imong makaplagan ang maong mga reperensiya ubos sa sub-ulohang “attitude toward—.” Dugang niana gitala ang modernong mga kasaysayan sa mga Saksi ni Jehova sa lainlaing mga nasod, ug ang dakong listahan sa mga komento bahin kanato makita man ubos sa “Statements by Others.”
4 Ubos sa ulohang “Dates,” adunay nasentrong ulohang “Clarification of Beliefs.” Ang mga reperensiya sa dagkong katin-awan sa atong pagsabot sa mga doktrina ug tagna gitala nga sunodsunod sumala sa tuig. Ang “Dates of Prophetic Significance” nagasunod, nga nagtala sa mga tuig sa dihang ang mga tagna natuman.
5 Ang kasaysayan sa kinabuhi sa matinumanong mga alagad ni Jehova makatabang kanato sa pagpahimutag malig-ong pundasyon sa atong mga anak ug mga estudyante sa Bibliya. Imong makaplagan kining gitala pinaagig ngalan ug artikulo ubos sa “Life Stories of Jehovah’s Witnesses.”
6 Ang talagsaon sa katawhan ni Jehova mao ang Kasulatanhong pagtulon-an sa duha ka dulnganan alang kanilang giuyonan ni Jehova—langitnon ug yutan-on. Ang mga reperensiya sa “langitnong pagkatinawag” makaplagan ubos sa “Congregation of God.” (Heb. 3:1; Buh. 20:28; 1 Tim. 3:15) Ang ubang mga ulohan maoy “Remnant” ug “144,000.” Duha ka ulohan, “Great Crowd” ug “Other Sheep,” nagapunting sa yutan-ong paglaom.—Pin. 7:9; Juan 10:16.
7 Kita man batan-on o tigulang, ang pribilehiyo sa pagkahimong usa sa mga Saksi ni Jehova nagalangkit sa kada bahin sa kinabuhi. Ang umaabot nga mga artikulo diha sa Atong Ministeryo sa Gingharian magbutyag kon sa unsang paagi ang Index makabulig kanato diha sa atong ministeryo, sa sulod sa pamilya, ug diha sa kongregasyon.