Kon sa Unsang Paagi ang Index Makaayo sa Pamilya
1 Maylabot sa mga membro sa banay, ang 1 Timoteo 5:4 nagaingon: “Pasagdi kini sila nga makakat-on pag-una sa pagbansay sa diyosnong debosyon diha sa ilang kaugalingong panimalay.” Oo, ang pagbansay sa diyosnong debosyon diha sa atong banay maoy butang nga pagakat-onan. Niini gikinahanglan ta ang balaang giya. Ang Watch Tower Publications Index makabulig kanato sa pagkaplag ug giya diha sa atong banaynong kinabuhi.
2 Ikaw ba tininuod gayong nagapalandong sa kaminyoon? Ubos sa ulohang “Marriage,” imong makaplagan ang sub-ulohang “selecting a mate.” Ang mga reperensiya motultol kanimo ngadto sa mapuslanong tambag bahin niini. Ang Index usab adunay mga sub-ulohan sa “husband’s role” ug “wife’s role,” aron makapaayo niadtong mga minyo na. Dugang pa, ang mga sub-ulohang sama sa “communication,” “closeness in,” ug “peace” nagpunting ngadto sa materyal nga magpabulahan sa panagtiayon. Sa motungha ang mga gumonhap, ang sub-ulohang “problems in” mohatod kanimo ngadto sa tambag kon unsaon sa pagsulbad niini.
3 Sa unsang paagi mamatuto sa mga ginikanan ang ilang mga anak “diha sa disiplina ug nagatultol-hunahuna nga iya ni Jehova”? (Efe. 6:4) Ang makatabang nga mga tambag ug mga sugyot mahimong makaplagan pinaagig Index nga mga ulohang “Children” ug “Youths.” Ug unsa na man bahin sa pagsilsil sa balaod ni Jehova diha sa ilang batan-ong mga kasingkasing? Ang ulohang “Child Training” motultol ngadto sa materyal sa matag bahin sa pagmatuto sa kabataan, apil na ang paagi sa pagbulig kanila nga makaugmad ug personal nga relasyon uban kang Jehova ug mopormag usa ka pangandoy alang sa kamatuoran.—1 Ped. 2:2.
4 Ang mga panaghisgot sa pamilya sa Bibliya hinungdanon sa kalamposan sa banay. (Deut. 6:6-9; Isa. 54:13; Efe. 5:25, 26) Ang mga reperensiya kon unsaon sa paghimo niining makalipay makaplagan ubos sa ulohang “Families.” Diha sa karong Index, ang sub-ulohang “Bible study” naghisgot sa mga puntos sama sa “making it effective” ug “making it enjoyable.” Usab, nganong di tagdon ngadtongadto ang usa sa kasaysayan sa kinabuhi sa mga Saksi ni Jehova? Ubos sa ulohang “Full-Time Ministry,” ikaw ipunting ngadto sa kasaysayan sa kinabuhi uban sa maong mga titulo sama sa “A Choice I’ve Never Regretted” ug “Receiving the Requests of My Heart.” Ang kompletong talaan makaplagan ubos sa “Life Stories of Jehovah’s Witnesses.”
5 Hinaot ang Index makatabang kanimo nga magmalipayon gayod sa pagtuman sa imong mga kaakohan sulod mismo sa pamilya.