Pagpanikaysikay sa Pagbuhat sa Kabubut-on sa Diyos
1 Ang pagpanikaysikay nga may katuyoan nga nagapatungha sa gitinguhang mga resulta maoy labing matagbawon. (Eccl. 3:13) Unsang buluhatona karong mga adlawa ang magdalag labing dakong kalipay karon ug sa umaabot? Aduna lamang ing usa ka tubag—ang pagbuhat sa kabubut-on sa Diyos. Ang mga katarongan niini sa bug-os tinoon pinaagig mga pakigpulong, mga pasundayag, ug mga eksperiyensiya maylabot sa atong espesyal adlawng asembliya nga programa para sa 1992 nga tuig sa pag-alagad. Ang tema sa programa maoy “Pagpanikaysikay sa Pagbuhat sa Kabubut-on sa Diyos.”—Efe. 6:6; 1 Tim. 4:10.
2 Daghan karon nga di-tagbaw tungod sa pagkabaton ug buluhaton nga sila walay gana. Sa kasukwahi, ang pagbuhat sa kabubut-on ni Jehova sa pagsundog kang Kristo nagapuno sa atong kinabuhi nga may katuyoan ug nagapaarang kanato sa pagbuhat bisan sa atong sekular nga mga trabaho uban ang positibong tinamdan. Unsa man ang nalangkit sa pagpanikaysikay sa pagbuhat sa kabubut-on sa Diyos? Mahitungod sa buluhatong pagsangyaw ug pagpanudlo, unsa ka hinungdanon ang pagsunod sa mga pagtultol ug mga sugyot nga gihatag sa kapunongan ni Jehova? Unsang talagsaong mga higayon ang anaa alang sa mga batan-on kinsa nagapunting sa pagbuhat sa kabubut-on sa Diyos?
3 Kining mga pangutanaha pagatubagon pinaagi sa maong programa, nga nagalakip sa duha ka unang mga pahayag “Ang Kabubut-on ba sa Diyos Nagamando sa Imong Kinabuhi?” ug “Atong Katuyoan sa Kinabuhi—Pagbuhat sa Kabubut-on sa Diyos.” Pagplano na karon nga makatambong ug pahimusli sa bug-os kining espesyal nga programa.