Ilambigit ang Tracts sa Ubang Basahon
1 Sa tanang magasin nga gipatik karong adlawa, Ang Bantayanang Torre ug Pagmata! lamang ang makatabang sa sinserong mga magbabasa sa pagkaplag sa dalan ngadto sa walay kataposang kinabuhi. Sa dihang makigsulti ka sa katawhan sulod sa Mayo, ipakita kanila ang kinabag-ohang mga magasin o usa sa mga brosyur sa Sosyedad. Ang uban magapakita tingalig diyutayng interes sa sinugdanan. Sa maong mga kaso, una ikahisgot mo ang usa ka punto o duha diha sa tract; unya kon ang tagbalay magpakitag dugang interes, ilambigit ang tract uban sa magasin o brosyur nga imong gipaila.
2 Makaingon ka:
◼ “Kadaghanang tawo mouyon nga sa kalibotan karon, adunay dugang mga suliran kay sa mga kasulbaran. Nahibaloan ba nimo ang daghan sa atong labing seryosong mga suliran gitagna sa Bibliya? Unya mapakli mo ang mga panid 4 ug 5 sa tract nga Kini Bang Kalibotana Molungtad? ug hisgoti ang pipila sa mga suliran.
3 Kon gipaila mo ang Mayo 1 nga Bantayanang Torre ug ang tagbalay nagapakitag interes sa imong gibasa diha sa tract, mapakli mo ngadto sa artikulong “Kaluwasan sa Pagpadayag ni Jesu-Kristo” ug isaysay kon sa unsang paagi si Jesu-Kristo sa dili madugay magasulbad sa tanang suliran sa katawhan. O, kon nagagamit sa Mayo 15 nga gula magamit mo ang artikulong “Unsa ka Kasaligan ang mga Tagna sa Bibliya?”
4 Kon ang Mayo 8 nga “Pagmata!” ang gipatugbaw, magamit mo ang pasiuna nga gilaraw sa parapo 2 niining artikuloha ug unya modugang:
◼ “Daghan ang nahibulong kon ang relihiyon nga nagabuhat uban sa siyensiya mao ba ang tubag.” Unya basaha ang tukmang punto diha sa artikulong “Relihiyon ug Siyensiya—Dili Maayong Panagsagol.”
5 Sa dihang nagatanyag sa “Tan-awa!” nga brosyur, magamit mo ang usa ka lahing paagi:
◼ “Daghang tawo nahibulong kon unsay mahitabo nato sa dihang kita mamatay. Ang pipila moingong moadto ta sa langit o sa impiyerno; ang uban wala makaseguro. Ang tubag sa Bibliya mapasaligon.” Unya ikahisgot mo ang mga bahin sa tract nga Unsay Paglaom Alang sa Namatay nga mga Minahal? Makapadayon ka pinaagig pagpakli ngadto sa mga panid 16 ug 17 sa brosyur kon ang tagbalay nagapakitag interes.
6 Daghan ang nakabatog kalamposan sa paggamit sa tract nga Kinabuhi sa Malinawong Bag-ong Kalibotan. Masukna mo ang tagbalay kon malipay ba siyang magkinabuhi ubos sa mga kahimtang nga gihulagway sa tract. Human sa iyang pagsanong, isaysay kon sa unsang paagi kanang maong malinawon bag-ong kalibotan moabot. Unya gamitang Mayo 1 nga Bantayanang Torre sa paagi nga gisugyot diha sa parapo 3 niining artikuloha.
7 Kon ikaw usa ka bag-ohang magmamantala, sa walay duhaduha ikaw magpabili sa usa ka yanong paagi. Nganong dili magbaton ug suplay sa tract nga Kini Bang Kalibotana Molungtad? ug sunda ang mga sugyot nga gilaraw sa itaas sa parapo 2?
8 Kita napasidunggan sa pagdala sa mensahe sa kaluwasan ngadto sa mga balay sa katawhan. Sa atong pagpangita sa ‘mga takos,’ gamiton ta pag-ayo ang atong tracts ug ilambigit sila sa ubang basahon sa dihang makaplagan ang interes.—Mat. 10:13.