Epektibong Paggamit sa mga Brosyur sa Agosto
1 Aron sa pagpatulin sa paghimog tinun-an nga buluhaton, ang organisasyon nagsuplay ug daghang brosyur nga nagahisgot sa espisipikong mga tema, sama sa katuyoan sa Diyos sa yuta, ang Trinidad, ngalan sa Diyos, ang Ginghariang kagamhanan, ug ang pagtugot sa Diyos sa pagkadaotan. Unsaon man nato paggamit ang mga brosyur nga epektibo?
2 Ang brosyur nga Tinuod Bang May Pagtagad ang Diyos Kanato? nagasaysay nga ang usa ka kalibotang gawasnon gikan sa pag-antos haduol na. Sa unsang paagi man nato ikatanyag kini? Ang mga sugyot makaplagan diha sa librong Nangatarongan ubos sa “Kasakitan,” sugod sa panid 114 (p. 393 sa Ingles), o mahimong palabihon mo ang pasiuna sa panid 12 ubos sa ulohang “Inhustisya/Kasakitan.”
3 Makaingon ka:
◼ “Napalandong na ba gayod nimo: ‘Ang Diyos ba nagatagad gayod maylabot sa inhustisya ug kasakitan nga naagoman sa katawhan?’” Tugoting motubag. Basahang Salmo 72:12-14. Unya pakliang panid 22 sa brosyur nga Tinuod Bang May Pagtagad ang Diyos Kanato? ug hisgoting mga ulohan diha sa bahin 10, maingon man ang ilustrasyon sa panid 23. Kon dumilian ang brosyur, itanyag ang usa ka tract, sama sa Kahupayan Alang sa Naluya o Kinabuhi sa Malinawong Bag-ong Kalibotan.
4 Ang maayong kagamhanan gitinguha kaayo karong adlawa. Daghan ang nahibulong kon ang pagmando sa tawo maghiusa sa kalibotan. Ang maayong impormasyon makaplagan ubos sa “Kagamhanan,” sugod sa panid 84 sa librong Nangatarongan (p. 152 sa Ingles).
5 Ikaw makasukna:
◼ “Posible ba alang sa mga tawo sa pagtukod ug kagamhanan nga magpatungha ug dumalayong kalipay?” Tugoting motubag, unya suknaa: “Unsa man ang ginapakita sa talaan sa tawhanong kasaysayan?” Pakliang Jeremias 10:23, o pakliang panid 84 sa librong Nangatarongan (p. 152 sa Ingles) ug basahang tukmang mga teksto ug mga komento. Dayon pakliang mga panid 24 ug 25 sa brosyur nga Kagamhanan ug tagdang mga ilustrasyon ug mga kasulatan. Kon dili kuhaon sa tagbalay ang brosyur, itanyag ang tract nga Molungtad ba Kining Kalibotana?
6 Kon adunay kahadlok sa krimen sa imong kasilinganan, ang mosunod nga pasiuna mahimong makapadani.
7 Makaingon ka:
◼ “Daghang tawo nahibulong, ‘Kon ang Diyos gugma, nganong gitugotan man niya ang pagkadaotan?’ Nagapamalandong ka ba usab bahin niini?” Tugoting mokomento, unya moingon: “Matikdi nga ang Proverbio 19:3 nagapahamatngon batok sa pagpasangil sa Diyos sa daotang mga butang nga gibuhat sa mga tawo.” Human mabasa ang teksto, idiretsong pagtagad sa panid 15 sa brosyur nga “Tan-awa! Ginabag-o Ko ang Tanang Butang” ug basaha ang parapo 27.
8 Ang paggamit sa mga brosyur aron pagtudlo sa samag karnerong mga tawo maoy butang mahimo natong tanan. Gamiton nato kini nga epektibo sa Agosto.