Pangutana

◼ Kanus-a man angay nga pagadumalahon ang mga Pagtuon sa Libro sa Kongregasyon?

Maoy sagad nga mas mapuslanon ang pagbaton ug ubay-ubayng mga grupo sa pagtuon sa libro diha sa nakatag nga mga dapit sa tibuok teritoryo sa kongregasyon inay kay sa tanan nga magtigom sa Kingdom Hall. Kining maong mga pagtuon angayng pagadumalahon sa panahon nga labing kombeniyente sa kadaghanan nga natudlo sa pagtambong. Sagad, kini maoy sa usa ka gabii sulod sa mga adlaw sa semana nga walay laing mga tigom o mga kalihokan sa pag-alagad nga gihikay. Hinuon, mahimong makaayo sa paghikay ug usa ka pagtuon sa libro sa maadlaw aron pagpahiuyon sa mga tigulang o mga trabahante sa gabii. Sa pipila ka kaso, hayan mapuslanon nga may pagtuon sa maadlaw sa hinaposan sa semana.

Ang mga ansiyano magpakisayod sa pagtino sa mga panahon sa tigom nga “kombeniyente para sa kadaghanan sa mga magmamantala.” (om p. 62) Ang panahon nga gipili kinahanglang sa usa ka panahon nga dili makabalda sa gilaraw nga mga kahikayan sa pagsangyaw.