Tabangi ang Uban sa Pagkat-on sa Kamatuoran
1 Si Jesus mianhi sa yuta aron sa pagpamatuod sa kamatuoran. Iyang gibansay ang iyang mga tinun-an sa pagkahimong mga magtutudlo. Iyang gipanig-ingon sila ngadto sa ‘mga instruktor publiko’ kinsa adunay dakong bahanding tinigom nga kakuhaan. (Mat. 13:52) Ang mga tinun-an ni Jesus karon nagagamit sa pinatik nga mga publikasyon aron padalion ang buluhatong pagsangyaw sa Gingharian. Pananglitan, aduna kita ing pagkalainlain sa mga brosyur aron tabangan ang uban nga mahimong mga tinun-an. Unsaon ta man sa paggamit niining bililhong mga instrumento?
2 Sa pagsugod ug panaghisgot nga motultol ngadto sa pagtanyag sa brosyur nga “Tan-awa! Ginabag-o Ko ang Tanang Butang,” ikaw makaingon:
◼ “Nahibulong ka ba gayod kon ngano bisan pa sa mga panlimbasog sa tawo, ang mga kalaoman sa umaabot daw mangitngit kaayo? [Tugoting motubag.] Ang Bibliya nagapatin-aw kon nganong daghan kaayong panlimbasog ang napakyas.” Basahang Salmo 146:3, 4. Paklia ngadto sa parapo 43 sa maong brosyur ug basaha ang unang tulo ka tudling-pulong. Dayon hisgoti ang kagamhanan sa Diyos sa kalinaw gikan sa mga parapo 43 ug 44, nga giilustrar sa atubangan ug likod nga hapin sa brosyur nga Tan-awa!
3 Ania ang usa ka paagi nga arang mong magamit ang brosyur nga “Tinuod Bang May Pagtagad ang Diyos Kanato?”:
◼ “Daghang tawo ang nagsukna niining mga pangutanaha nga ania sa hapin niini nga brosyur. [Basahang mga pangutana.] Sanglit ang mahigugmaong Diyos dili mopalambo sa maayo ug daotan sa samang panahon, unsa ang hunahuna mo maylabot sa iyang saad nga ania dinhi sa Isaias 65:21, 22?” Kon ipakita ang interes, paklia ngadto sa mga panid 26 ug 27, mga parapo 19-22, ug ipatin-aw kon unsa ang malampos pinaagi sa Gingharian sa Diyos.
4 Sa dihang itanyag ang brosyur nga “Unsa ang Katuyoan sa Kinabuhi?,” makaingon ka:
◼ “Alang sa daghan, ang kinabuhi daw walay katuyoan. Unsa sa hunahuna mo ang gikinahanglan aron paghimo sa kinabuhi nga makahuloganon? [Pakomentoha ang tagbalay.] Ang Bibliya nagapakita nga ang Diyos nag-andam ug mas maayong mga butang alang kanato. Tan-awa kon unsa ang iyang giingon sa Pinadayag 21:4, 5.” Kon angay, ipadayon ang panaghisgot uban sa mga puntos gikan sa bahin 8 sa maong brosyur sa mga panid 29 ug 30.
5 Sa paggamit sa brosyur nga “Tagamtama ang Kinabuhi sa Yuta sa Walay Kataposan!,” ang usa ka batan-ong magmamantala makasukna:
◼ “Gusto mo bang mopuyo sa paraisong yuta nga sama niini? [Ipakitang atubangan ug likod nga hapin, ug tugoting mokomento.] Ang akong pamilya ug ako nagapaabot sa pagpuyo didto tungod sa ginaingon sa Bibliya dinhi sa Juan 17:3.” Unya ikatanyag mo ang brosyur.
6 Kon nagagamit ka ug ubang mga brosyur sa imong ministeryo niining bulana, mahimong ipanig-ingon mo ang imong mga presentasyon sa mga sugyot sa itaas. Hinumdomi nga mub-on ra ug positibo aron mapukaw ang interes sa mga tagbalay.
7 Si Jehova mihatag kanato sa kamatuoran. Ato gayong ipaambit kini sa uban, diha man sa pinatik nga porma ug sa atong mga panaghisgot. Niining paagiha kita makapamatuod nga maoy mga magtutudlo sa katilingban alang sa kaayohan sa uban.—Mat. 28:19, 20.