Bug-os Kobrehi ang Imong Teritoryo
1 Sa residensiyal nga mga dapit kita usahay makakaplag ug gamay nga dapit negosyohanan, sama sa tindahag groserya, restawran, o tindahag tagidyot. Kon kining mga negosyohanana kobrehan duyog sa uban sa inyong teritoryo, angay ninyong duawon kini sama sa mga residensiya.
2 Magamit mo ang mubong presentasyon, tingali sa pag-ingon: “Aduna koy buot ipakita nimo.” Kon ang tag-iya daw puliki nianang higayona, hayan ikatanyag nimo ang usa ka tract ug moingon: “Mobalik ako kon dili ka na kaayo puliki. Buot nakong sayron kon unsay imong hunahuna niini nga tract.”
3 Dili kinahanglang mobatig kahadlok bahin niining buluhatona. Usa ka magmamantala mitaho: “Akong gidahom nga negatibo ang sanong. Apan, sa akong katingala, ang sanong sa mensahe sa Gingharian maoy kasukwahi. Sila tiunayng matinahoron ug mahigalaon ug halos kanunayng ginadawat ang mga magasin.”
4 Usa ka babaye nga nagtrabaho sa kompanya sa real-estate midapit sa mga Saksi sa iyang opisina. Midawat siya ug mga magasin ug mipahayag ug interes sa pagtuon sa Bibliya. Gipakitaan siyag librong Kahibalo, ug ang pagtuon nasugdan dihadiha, sa iyang opisina mismo!
5 Ang asaynment sa bug-os nga pagkobre sa imong teritoryo nagalakip sa pagduaw sa negosyohanan sa kasilinganan. (Buh. 10:42) Planoha ang pagduaw niining mga pultahana sama sa pribadong mga pinuy-anan. Dili lamang kini sa bug-os mokobre sa imong teritoryo apan ikaw mahimong magantihan sa pipila ka makapahimuot nga mga kasinatian!