Gamitag Maayo ang mga handbill
1 Ang mga handbill sa kongregasyon mapuslanon sa pagpahibalo sa mga tawo sa katilingban bahin sa adres sa Kingdom Hall ug sa hustong oras sa mga tigom. Maayo ang pagbilin ug usa sa matag tawo nga imong makontak. Tungod niana, ang matag kongregasyon angayng maghupot ug igoigong suplay sa mga handbill diha sa estak. Kon usbon sa mga kongregasyon ang mga oras sa tigom, ang bag-ong mga handbill angayng orderon aron ang suplay nga may bag-ong mga oras sa tigom kanunayng mabatonan. Ang porma nga Handbill Request maoy gamiton alang niini nga katuyoan. Sa dihang mabatonan na ninyo kini, sa unsang paagi ang mga handbill magamit sa labing mapuslanon?
2 Daghang magmamantala nakakaplag nga ang pagtunol ug usa ngadto sa usa ka tawo maoy epektibong paagi sa pagpailaila sa ilang kaugalingon ug sa pagsugod ug mga panaghisgot. Ang pagpunting sa eskedyul sa tigom o sa mensahe sa likod mahimong motultol ngadto sa panaghisgot bahin sa atong buluhaton ug sa katuyoan niini. Ang mga ginikanan makalakip sa ilang batan-ong mga anak diha sa ministeryo pinaagi sa pagpatanyag kanilag handbill diha sa pultahan. Ang mga magmamantala nga nagapakig-ambit sa pagsangyaw pinaagi sa pagsulat angayng magsukip ug usa ka handbill diha sa ilang sulat ug magdapit sa tawo sa pagtambong sa mga tigom. Mahimong ikabilin ang mga handbill sa mga wala sa balay, basta mag-amping nga isuksok kini ilalom sa pultahan aron kini bug-os nga dili makita.
3 Ang mga handbill nahimong instrumento sa pagtultol sa mga matinud-anog kasingkasing ngadto sa kamatuoran. Usa ka kasinatian nagsugilon bahin sa usa ka babaye kinsa, salamat sa handbill, nakahimo sa pagtuman sa iyang tibuok-kinabuhing pangandoy sa pagsabot sa Bibliya. Human siya makagugol ug usa ka gabii sa pag-ampo ngadto sa Diyos, usa ka magtiayong Saksi ang mibagting sa iyang timbre sa pultahan sa pagkabuntag. Milili sa lungag, siya misinggit nga dili kombenyente ang pagbukas sa pultahan. Gisuksok sa mga Saksi ang usa ka handbill ilalom sa pultahan. Kadto mabasa: “Know Your Bible.” Nakita niya kadto ug gibuksan ang pultahan. Nasugdan dihadiha ang pagtuon, ug sa ulahi siya nabawtismohan. Nga dili gayod pakamenoson ang gahom sa espiritu sa Diyos, hinaot nga sa makanunayon atong gamiton ug maayo ang mga handbill samtang bug-os natong tumanon ang atong ministeryo.—Tan-awa usab ang Pebrero 1994 nga Atong Ministeryo sa Gingharian, panid 1.