Gigamit Mo ba ang mga Handbill?

Usa ka adlaw niana, nakita sa usa ka 11-anyos nga batang lalaki ang usa ka handbill nga nag-anunsiyo sa pakigpulong publiko bahin sa impiyerno. “Kini nakapainteres kaayo kanako,” siya miingon sa ulahi, “tungod kay morag kanunay kong nakahimog daotang mga butang, ug busa nahadlok kong masunog sa impiyerno inigkamatay nako.” Mitambong siya maong pakigpulong, ug mga usa ka tuig sa ulahi, human sa daghang sesyon sa pagtuon sa Bibliya, siya nabawtismohan. Kana ang sinugdanan sa tibuok-kinabuhing ministeryo ni Karl Klein ingong Kristohanon, kinsa sa ulahi nag-alagad sulod sa daghang katuigan ingong membro sa Nagamandong Lawas sa mga Saksi ni Jehova. Kining tanan nagsugod sa usa lang ka handbill.

Ang mga handbill usa gihapon ka epektibong kahimanan sa pagsangyaw karon. Nakaplagan sa daghang magmamantala nga ang paghatag ug handbill sa usa ka tawo maoy usa ka maayong paagi sa pagpailaila sa ilang kaugalingon ug sa pagsugod sa panaghisgot. Ang mga ginikanan makatabang sa ilang mga anak nga malangkit sa ministeryo pinaagi sa paghangyo kanila nga maoy mohatag sa handbill diha sa pultahan. Ang mga magmamantala nga nakigbahin sa pagsangyaw pinaagig sulat makapahibalo sa mga tigom pinaagi sa pagsukip ug handbill. Ug siyempre, ang mga handbill maoy maayong paagi sa pagdapit sa mga estudyante sa Bibliya ug sa uban pang mga interesado nga motambong sa atong mga tigom.

Imo bang gigamit ug maayo ang mga handbill diha sa imong ministeryo?