Kon Unsay Isulti Labot sa mga Magasin

Ang Bantayanang Torre Abr. 15

“Bisan asa man sila nagpuyo, ang mga tawo interesado sa kasegurohan, sama sa pagkaplag ug paghupot ug maayong trabaho. Apan napamalandong ba nimo sukad nga adunay usa ka tinubdan sa permanenteng kasegurohan, nga magpaarang kanimo sa pagbaton ug kasegurohan sa walay kataposan? [Basaha ang Salmo 16:​8, 9.] Kining gulaa sa Ang Bantayanang Torre nagsusi kon asa makaplagan ang tinuod nga kasegurohan.”

Pagmata! Abr. 22

“Daghang tawo karon ang namiya sa organisadong relihiyon aron simbahon ang Diyos sa ilang kaugalingong paagi. Unsay imong pagbati bahin sa maong dulnganan? [Tugoting motubag.] Gipakita sa Bibliya nga hinungdanon gayod ngadto sa Diyos kon giunsa nato siya pagsimba. [Basaha ang Juan 4:24.] Kining gulaa sa Pagmata! naghisgot bahin sa labing maayong paagi sa pagtagbaw sa imong espirituwal nga mga panginahanglan.”

Ang Bantayanang Torre Mayo 1

“Aduna ka bay nailhang usa ka tawo nga grabeng nasakit o nag-antos gumikan sa usa ka depekto sa lawas? Walay duhaduha nga mouyon ka nga ang maong mga tawo nagkinahanglag pagdasig. Apan unsay mahimo natong isulti sa pagdasig kanila? Ang Bibliya nagtanyag ug mga pulong sa paglaom. [Basaha ang Isaias 35:​5, 6.] Kining gulaa sa Ang Bantayanang Torre nagpatin-aw kon nganong makaseguro kita nga matuman kining tagnaa.”

Pagmata! Mayo 8

“Sa miaging tuig, ang kalinaw gihulga kay sa sukad masukad. Sa hunahuna mo, anaa ba sa mga gahom sa tawhanong mga gobyerno ang pagpatunhay sa kalinaw sa kalibotan? [Human makatubag, basaha ang Isaias 2:4.] Kining gulaa sa Pagmata! nagpakita kon nganong makaseguro kita nga sa di madugay ang kalinaw sa kalibotan mamatuman.”