Kon Unsay Isulti Labot sa mga Magasin

Ang Bantayanang Torre Hun. 15

“Sa hunahuna mo, makita ba gayod nato ang kataposan sa mga problemang sama niini? [Basaha ang pangbukas nga pangutlo sa unang artikulo, ug tugoting motubag.] Ang inspiradong Pulong sa Diyos nagpasalig kanato nga ang maong mga problema mahanaw sa dili madugay. [Basaha ang Salmo 72:12-14.] Kining gulaa sa Ang Bantayanang Torre nagpatin-aw kon sa unsang paagi kini matuman.”

Pagmata! Hun. 22

“Sa hunahuna mo, posible ba gayod nga maangkon sa tanan ang tinuod nga kagawasan dinhi sa yuta? [Tugoting motubag.] Matikdi kining maanindot nga saad sa Diyos. [Basaha ang Roma 8:21.] Aron matuman ang maong saad, ang tanang pagpangulipon kinahanglang taposon, dili ba? Kining gulaa sa Pagmata! nagpakita kon sa unsang paagi kana matuman.”

Ang Bantayanang Torre Hul. 1

“Minilyon sa mga tawo naggamit ug mga imahen o mga larawan sa ilang pagsimba, samtang ang minilyong uban pa nagtuo nga sayop ang paggamit niana. Napalandong ba gayod nimo kon unsay hunahuna sa Diyos? [Tugoting motubag. Dayon basaha ang Juan 4:24.] Kining mga artikuloha nagpakita kon sa unsang paagi nagsugod ang paggamit ug mga larawan ug kon unsay giingon sa Bibliya bahin sa pagsimba sa imahen.”

Pagmata! Hul. 8

“Ang Bibliya nagtagna nga aduna unyay malisod nga mga panahon sulod sa kataposang mga adlaw. [Basaha ang 2 Timoteo 3:​1, 3.] Sa tibuok kalibotan, ang gidaghanon sa krimen nagpamatuod niini. Pagkalisod pa gayod unta sa mga kahimtang kon walay mga polis! Kining gulaa sa Pagmata! naghisgot sa mga suliran nga giatubang sa mga polis sa tibuok kalibotan.”