Kon Unsay Isulti Labot sa mga Magasin

Ang Bantayanang Torre Mayo 15

“Matag adlaw makabati kitag mga taho bahin sa kapintasan. Nagtuo ka ba nga naglungtad na ang maong mga kahimtang kaniadto? [Tugoting motubag.] Matikdi kon unsay giingon sa Bibliya. [Basaha ang Mateo 24:37.] Hilabihan ka daotan ang mga adlaw ni Noe nga gibanlas sa Diyos ang tanan gawas kang Noe ug sa iyang pamilya. Kining magasina nagpakita kon sa unsang paagi ang maong mga hitabo may kahulogan alang kanato karon.”

Pagmata! Mayo 22

“Karong adlawa, ang mga sakit nga gidala sa mga insekto maoy usa sa daghang kapeligrohan sa atong panglawas. Nahibalo ka ba nga adunay mga paagi aron mapanalipdan ang atong kaugalingon? [Tugoting motubag.] Kining magasina naghisgot sa maong mga paagi, maingon man ang saad sa Bibliya sa usa ka panahon sa dihang wala nay balatian.” Taposa pinaagi sa pagbasa sa Isaias 33:24.

Ang Bantayanang Torre Hun. 1

“Ang mga taho sa dili maayong pagdumala sa gidonar nga mga pondong salapi nakapahibulong sa uban kon maalamon bang mohatag ngadto sa mga organisasyon alang sa kaluoy. Bisan pa niana, adunay daghan kaayong mga tawo nga nanginahanglan. Sa imong hunahuna, unsay arang mahimo? [Tugoting motubag. Dayon basaha ang Hebreohanon 13:16.] Kining magasina nagpatin-aw sa matang sa paghatag nga makapahimuot sa Diyos.”

Pagmata! Hun. 8

“Morag ang mga tawo karong adlawa wala magpabili sa moralidad ug maayong pamatasan sama sa ilang gihimo mga katuigan kanhi. Namatikdan ba nimo kanang tinuod? [Tugoting motubag.] Nga makaiikag, ang Bibliya nagtagna niini. [Basaha ang 2 Timoteo 3:1-5.] Kining gulaa sa Pagmata! naghisgot kon nganong ang tawhanong mga prinsipyo nagakausab ug kon unsay anaa sa umaabot.”