Kon Unsay Isulti Labot sa mga Magasin

Ang Bantayanang Torre Hunyo 15

“Gibati sa pipila ka tawo nga si Jesus mao ang labing bantogang tawo sa kasaysayan. Ang uban nagkuwestiyon pa gani sa iyang kalungtaran. Sa imong hunahuna, hinungdanon ba kon unsay atong pagtuo bahin kaniya? [Human makatubag, basaha ang Buhat 4:12.] Unsay pamatuod nga si Jesus nabuhi gayod sa yuta? Kining magasina nagsusi nianang pangutanaha.”

Pagmata! Hunyo 22

“Daghang tawo ang nabalaka bahin sa kalikopan. Sa imong hunahuna posible kaha ang pagpreserbar sa tropikanhong bagang kalasangan sa kalibotan? [Tugoting motubag.] Kining magasina naghubit sa bag-ong mga paningkamot sa pagsalbar sa bagang kalasangan. Gihisgotan usab niini kon sa unsang paagi matuman kining matahom nga saad sa Diyos.” Basaha ang Isaias 11:9.

Ang Bantayanang Torre Hulyo 1

“Usa sa atong labing pangunang kinahanglanon ingong mga tawo mao ang paghigugma ug higugmaon. [Basaha ang kinutlo nga kapsiyon sa panid 4.] Bisan pa niana, namatikdan ba nimo nga ang modernong katilingban nakiling sa pag-una sa ubang mga butang? [Tugoting motubag.] Kining magasina naghisgot kon unsay tinuod nga gugma ug kon sa unsang paagi kini maugmad.” Basaha ang 1 Corinto 13:2.

Pagmata! Hulyo 8

“Daghang tawo ang natugaw sa pag-uswag sa mga buhat sa way-hinungdan nga kapintasan. [Paghisgot ug pananglitan nga nabaniog sa inyong lugar, ug tugoting motubag.] Kining magasina nagsusi sa pipila ka hinungdan nga nakadugang sa mapintas nga krimen. Gisaysay usab niini kon sa unsang paagi hanawon sa Diyos ang krimen ug kapintasan sa bug-os.” Basaha ang Salmo 37:10, 11.