Kon Unsay Isulti Labot sa mga Magasin

Ang Bantayanang Torre Mayo 15

“Nagtuo ka ba nga makakita pa kitag kalibotan nga wala nay kakabos? [Tugoting motubag.] Matikdi kon unsay gisaad sa Diyos. [Basaha ang Isaias 65:21.] Kining gulaa sa Ang Bantayanang Torre naghisgot kon sa unsang paagi matuman kining saara.” Hikaya nga mobalik aron hisgotan ang pangutana: Kanus-a kaha mahitabo kining gisaad nga kausaban?

Pagmata! Mayo 22

“Kadaghanan sa mga tawo nakadungog nga ang pag-ehersisyo hinungdanon alang sa maayong panglawas, apan daghan ang miangkon nga dili igo ang ilang ehersisyo. Dili ba tinuod kini? [Tugoting motubag.] Kining magasina nagsusi sa mga kaayohan sa regular nga pag-ehersisyo ug nagsugyot ug pipila ka paagi nga kita makaehersisyo bisan pag puliki ang atong pagkinabuhi.”

Ang Bantayanang Torre Hun. 1

“Bisan tuod halos ang tanan naghisgot ug pakigdait, ang panaghiusa sa kalibotan wala gayod mabatoni sa katawhan. Nagtuo ka ba nga ang pagpangab-ot niini usa lamang ka damgo? [Tugoting motubag.] Kining magasina nagsentro sa pagtagad sa usa ka gobyerno nga may katakos sa paghiusa sa katawhan sa kalibotan.” Basaha ang Salmo 72:7, 8, ug hikaya nga mobalik aron hisgotan kon sa unsang paagi kini mahitabo.

Pagmata! Hun. 8

“Nakamatikod ka ba nga daghang tawo ang nabalaka bahin sa pagkaylap pag-ayo sa kanser sa panit? [Tugoting motubag.] Kining gulaa sa Pagmata! nagsusi kon nganong kita karon mahimong mao ang nameligro pag-ayo ug kon unsay atong mahimo aron mapanalipdan ang atong kaugalingon.” Taposa pinaagi sa pagpaambit sa makapahupay nga saad nga makaplagan diha sa Job 33:25.