Kon Unsay Isulti Bahin sa mga Magasin

Ang Bantayanang Torre Hun. 15

“Nakamatikod ka ba nga daghan nang tawo karon ang nagpili sa kaugalingon nilang mga sukdanan kon unsay husto ug sayop? [Patubaga.] Aniay usa ka giya sa Bibliya nga mapadapat sa tanang panahon. [Basaha ang usa ka teksto gikan sa kahon sa panid 6-7.] Gipatin-aw niining magasina kon sa unsang paagi kita makakuhag kaayohan pinaagi sa pagpadapat sa mga prinsipyo sa Bibliya bahin sa moralidad.”

Pagmata! Hun.

“Kitang tanan nagkinahanglag salapi aron mabuhi. Sa imong hunahuna, posible kaha nga maghinobra ang atong kabalaka bahin sa pagpangitag salapi? [Patubaga.] Matikdi kon unsay gisulti dinhi bahin sa pagpangagpas ug bahandi. [Basaha ang 1 Timoteo 6:10.] Kining magasina naghatag ug praktikal nga mga sugyot kon unsaon pagpayano sa usa ka tawo ang iyang kinabuhi ug matagan-an gihapon ang iyang mga panginahanglan bisag diyutay ra siyag salapi.”

Ang Bantayanang Torre Hul. 1

“Nahibulong ka ba sukad kon nganong gidaogdaog ang ubang mga tawo tungod kay sila lahig rasa o nasyonalidad o pinulongan? [Patubaga.] Matikdi kining rason nga gihatag dinhi. [Basaha ang 1 Juan 4:20.] Kining magasina nagtubag sa pangutanang, Sa unsang paagi mabuntog ang pagkamapihigon?”

Pagmata! Hul.

“Lahi sa mga mananap nga gigiyahan sa kinaiyahan, ang mga tawo adunay katakos sa pagpili sa mga sukdanan nga gusto nilang sundon. Sa imong hunahuna, asa kaha kita makakaplag ug kasaligang giya? [Patubaga. Dayon basaha ang Salmo 119:105.] Gipatin-aw niining magasina nga ang giya nga makaplagan diha sa Bibliya mao ang kinamaayohan.”