Kon Unsay Isulti Bahin sa mga Magasin

Ang Bantayanang Torre Agos. 15

“Mahimo ko bang masayran ang imong opinyon bahin sa giingon dinhi? [Basaha ang Hebreohanon 3:4.] Mouyon ka ba nga ang uniberso adunay intelihenteng Tigdisenyo? [Patubaga.] Kining magasina naghisgot kon sa unsang paagi ang pagtuo nga adunay Tigdisenyo o Maglalalang nahiuyon sa tinuod nga siyensiya.”

Pagmata! Agos.

Kon makahibalag kag usa ka batan-on, mahimo kang moingon: “Daghang batan-on sama nimo ang nasakitan sa makadaot nga tabitabi. Nakasinati ka na ba niini? [Patubaga.] Ang Bibliya adunay maayong tambag nga makatabang kanato kon kita biktima sa mga tabitabi. Gipakita usab niini kon unsay angay natong buhaton aron dili gayod kita malangkit sa mga tabitabi.” Ipasiugda ang artikulo nga nagsugod sa panid 12, ug basaha ang usa sa mga teksto diha sa artikulo.

Ang Bantayanang Torre Sept. 1

“Daghan ang nagtuo nga ang ‘Daang Tugon’ naghatag ug mapuslanong mga impormasyon bahin sa kasaysayan. Apan nagduhaduha sila kon mapuslanon ba gihapon ang mga giya niini sa atong panahon karon. Unsay imong hunahuna? [Patubaga. Dayon basaha ang Roma 15:4.] Gipakita niining magasina kon sa unsang paagi ang ‘Daang Tugon’ naghatag ug mapuslanong tambag alang sa atong adlaw-adlaw nga pagkinabuhi ug sa tinuod nga paglaom alang sa umaabot.”

Pagmata! Sept.

“Sa imong hunahuna, pagbuot ba sa Diyos ang kinaiyanhong mga katalagman? [Patubaga. Dayon basaha ang Deuteronomio 32:4.] Gihisgotan niining magasina kon nganong gitugotan sa Diyos nga mahitabo ang kinaiyanhong mga katalagman. Gihisgotan usab niini kon sa unsang paagi mapanalipdan ang imong pamilya.”