Watchtower ONLINE NGA LIBRARYA
Watchtower
ONLINE NGA LIBRARYA
Cebuano
  • BIBLIYA
  • PUBLIKASYON
  • MGA TIGOM
  • km 2/08 p. 1
  • Mapabilhong Paghandom sa Lukat

Walay video nga available.

Sorry, dunay problema sa pag-load sa video

  • Mapabilhong Paghandom sa Lukat
  • Atong Ministeryo sa Gingharian—2008
  • Susamang Materyal
  • “Ipadayon Ninyo ang Pagbuhat Niini”—Memoryal nga Saulogon sa Abril 5
    Atong Ministeryo sa Gingharian—2012
  • Ipakita Nato ang Atong Pagpabili
    Atong Ministeryo sa Gingharian—2011
  • “Ipadayon Ninyo ang Pagbuhat Niini sa Paghandom Kanako”
    Atong Ministeryo sa Gingharian—2007
  • Tibuok-Kalibotang Pagpanagtag sa Imbitasyon sa Memoryal!
    Atong Ministeryo sa Gingharian—2010
Uban Pa
Atong Ministeryo sa Gingharian—2008
km 2/08 p. 1

Mapabilhong Paghandom sa Lukat

1, 2. Nganong mapabilhon natong handomon ang lukat?

1 Agig pagsugot sa sugo ni Jesus, ang mga Kristohanon sa tibuok kalibotan magtigom sa Sabado, Marso 22, 2008, human sa pagsalop sa adlaw, aron handomon ang kamatayon ni Jesu-Kristo. (Luc. 22:19; 1 Cor. 11:23-26) Kita mapalihok sa pagbuhat niini tungod sa atong pagpabili kon unsay nalampos nianang petsaha, 1,975 ka tuig na ang milabay. Pinaagi sa pagpabiling matinumanon sa bug-os bisan pa sa mapait nga kamatayon diha sa estaka sa pagsakit, si Jesus nagbalaan sa ngalan sa iyang Amahan, nga naghatag ug hingpit nga tubag sa mga pagtamay ni Satanas.—Job 1:11; Prov. 27:11.

2 Ang giula nga dugo ni Jesus nagpalig-on sa bag-ong pakigsaad, nga nagpaposible sa dili-hingpit nga mga tawo nga mahimong sinagop nga mga anak sa Diyos nga may paglaom nga magmando uban ni Kristo sa iyang langitnong Gingharian. (Jer. 31:31-34; Mar. 14:24) Dugang pa, ang kadako sa gugma sa Diyos alang sa mga tawo tin-aw nga nadayag pinaagi sa paghatag sa iyang pinalanggang Anak isip halad, ingon sa gipatin-aw mismo ni Jesus kang Nicodemo.—Juan 3:16.

3. Sa unsang paagi makabenepisyo ang mga manambong sa Memoryal?

3 Dapita ang Uban: Ang Enero nga gula sa Atong Ministeryo sa Gingharian nagsugyot nga atong ilista ang atong mga kaila ug personal nato silang dapiton. Gisugdan na ba nimo ang pagdapit kanila? Nangandam ka na ba sa pagpakig-ambit sa bug-os sa kampanya nga magsugod sa Marso 1 aron sa pagdapit sa mga tawo alang sa Memoryal? Ang mga manambong makadungog ug pakigpulong nga gipasukad sa Bibliya nga mopalig-on sa ilang pagtuo sa lukat, ug motultol sa kinabuhing walay kataposan.—Roma 10:17.

4. Nganong kinahanglang sayo kitang moabot sa pagsaulog sa Memoryal?

4 Kon itugot sa kahimtang, ang tanan angayng abanteng magplano nga makaabot ug sayo aron maabiabi ang mga dinapit. Sanglit kasagarang daghan man ang manambong sa Memoryal, kinahanglang hatagan natog linaing pagtagad ang bag-ong mga interesado ug ang talagsa rang magtambongan.

5. Sa unsang paagi imong maandam ang imong kasingkasing alang sa Memoryal?

5 Andama ang Imong Kasingkasing: Ang 2008 nga Pagsusi sa Kasulatan sa Adlaw-adlaw ug ang 2008 Calendar adunay eskedyul sa linaing pagbasa sa Bibliya panahon sa Memoryal sugod sa Marso 17. Ang pagtagad sa hinungdanong mga panghitabo sa kataposang mga adlaw sa kinabuhi ni Jesus sa yuta, motabang kanimo sa pag-andam sa imong kasingkasing alang sa pagsaulog sa Memoryal. (Esd. 7:10) Ang imong mainampoong pagpamalandong niini nga mga asoy sa Bibliya mopalalom pa sa imong pagpabili sa gugma ni Jehova ug sa iyang Anak tungod sa gitagana nga lukat.—Sal. 143:5.

6. Sa unsang paagi makahatag kanatog kaayohan ang pagpabili sa lukat?

6 Samtang magkaduol ang Memoryal, hinaot andamon gayod nato ang atong kaugalingon ug ang uban alang niining hinungdanong okasyon. Ang mapabilhong paghandom sa lukat mopalig-on sa atong relasyon kang Jehova ug sa iyang Anak. (2 Cor. 5:14, 15) Mopalihok usab kini kanato sa pagsundog kanila sa pagpakitag nagasakripisyo-sa-kaugalingon nga gugma alang sa uban.—1 Juan 4:11.

    Cebuano Publications (1983-2025)
    Log Out
    Log In
    • Cebuano
    • Ipasa
    • Setting
    • Copyright © 2025 Watch Tower Bible and Tract Society of Pennsylvania
    • Kondisyones sa Paggamit
    • Polisa sa Pribasiya
    • Mga Setting sa Pribasiya
    • JW.ORG
    • Log In
    Ipasa