Gipasundayag ba Nimo ang Paagi sa Pagtuon sa Bibliya sa Unang Duaw?
Kon tanyagan ug pagtuon sa Bibliya, ang pipila ka tagbalay moingon nga dili sila interesado o duna silay pagtuon sa Bibliya sa ilang relihiyon. Sanglit wala sila mahibalo nga ang atong paagi sa pagtuon sa Bibliya lahi sa ubang relihiyon, wala silay ideya nga kini makapalamdag ug makapalipayng kasinatian. Busa, imbes magtanyag lang ug usa ka pagtuon, nganong dili ipasundayag sa pipila ka minuto ang paagi sa pagtuon sa Bibliya sa unang duaw? Agig ilustrasyon: Ayaw lang sila sultihi nga maayo kang moluto ug moingon nga magdala kag pagkaon inig balik nimo; hinuon patilawa dayon sila! Ania ang paagi kon unsaon kana paghimo sa pipila ra ka minuto gamit ang sugyot sa panid 6 sa Enero 2006 nga Atong Ministeryo sa Gingharian:
“Sa imong hunahuna, moabot gayod kaha ang adlaw sa dihang matuman kining mga pulonga? [Basaha ang Isaias 33:24, ug patubaga.] Duna koy ipakita kanimo nga makaiikag bahin niini.” Itunol sa tagbalay ang librong Gitudlo sa Bibliya, ug paklia ang panid 36, parapo 22. Basaha ang pangutana sa ubos, ug hangyoa ang tagbalay sa pagpangita sa tubag samtang imong basahon ang parapo. Unya isukna pag-usab ang pangutana, ug paminawa ang komento sa tagbalay. Ipakita ang teksto samtang basahon kini. Pagpatunghag usa ka pangutana nga tubagon sa sunod nga duaw, ug paghimog tinong kahikayan sa pagbalikduaw. Nasugdan na nimo ang usa ka pagtuon sa Bibliya!