Pagpauswag sa Atong Kahanas sa Ministeryo—Pagsugod ug Pagtuon sa Bibliya Gamit ang Librong Gitudlo sa Bibliya

Kon Nganong Hinungdanon: Daghang tawo tingali ang dili makasabot kon kita moingon nga nagtanyag tag libreng pagtuon sa Bibliya. Basin hunahunaon nila nga kinahanglang moapil silag ginurupong pagtuon o usa ka kurso sa pagtuon pinaagig sulat. Busa imbes nga basta lang motanyag ug pagtuon, nganong dili nato ipasundayag kon unsaon kana paghimo? Sa pipila ka minuto, bisan sa pultahan, ikapakita nimo kon unsa ka sayon ug ka nindot ang pagtuon sa Bibliya.

Kon Unsaon Paghimo:

Human ipaila ang kaugalingon, pangutan-a ang tagbalay kon nabalaka ba siya bahin sa umaabot.
Hisgoti nga daghang tawo ang may susamang kabalaka, ug ipakita ang kaundan sa librong Gitudlo sa Bibliya. Ingna siya nga ang maong libro dunay mga leksiyon nga sayon sabton nga nagpakita kon unsay gitudlo sa Bibliya bahin sa umaabot ug sa uban pang topiko. Dayon papilia siya sa gusto niya nga ulohan.
Hatagi siyag kopya sa libro ug buksi ang kapitulo nga iyang gipili. Ipatin-aw nga ang mga pangutana sa sinugdanan sa kapitulo tubagon sa mosunod nga mga parapo.
Kon mosugot ang tagbalay, ipabasa niya ang unang parapo. Dayon basaha ang pangutana niana nga parapo, ug hisgoti ninyo ang tubag. Basaha ang gisitar nga mga teksto sa parapo nga nagsuportar sa tubag. Ipakita nga gibadlisan nimo ang tubag diha sa imong libro.
Hisgoti ang sunod nga parapo, pero karon dasiga ang tagbalay nga tubagon sa kaugalingon niyang mga pulong ang pangutana.
Pasalamati siya, ug pakigsabot nga mobalik ka aron ipadayon ang inyong gihisgotan.
Kon haom, ipatan-aw niya ang video sa jw.org/ceb nga Sa Unsang Paagi Ginahimo ang Bible Study?

Sulayi Karong Bulana:

Pag-ampo nga panalanginan ni Jehova ang imong mga paningkamot nga makasugod kag bag-ong Bible study.—Filip. 2:13.
Ipakita kon unsaon pagtuon ang Bibliya gamit ang librong Gitudlo sa Bibliya o ipatan-aw ang video nga Sa Unsang Paagi Ginahimo ang Bible Study? bisag kausa lang samtang magsangyaw.