Instruksiyon Para sa Dunay Bahin sa Tigom sa Pag-alagad
Sugod niining isyuha sa Atong Ministeryo sa Gingharian, ang mga ekspresyon diha sa eskedyul gipasimple. Gibag-o ug gipatin-aw niining mosunod nga mga instruksiyon ug mga pahinumdom ang artikulong “Kon sa Unsang Paagi Mangandam Alang sa Tigom sa Pag-alagad” diha sa Mayo 2009 nga Atong Ministeryo sa Gingharian.
◼ Pakigpulong: Kini ipasukad sa gihatag nga reperensiya nga walay partisipasyon ang mamiminaw. Hisgotan lamang sa mamumulong kon unsay mapadapat sa kongregasyon.
◼ Pangutanag Tubag: Sama kini sa Pagtuon sa Bantayanang Torre nga may mubong introduksiyon ug konklusyon, ug isukna ang tanang pangutana sa mga parapo. Dili mokomentog taas kaayo ang konduktor. Kon itugot sa oras, mahimong basahon ang pangunang mga teksto. Dili basahon ang mga parapo gawas kon dunay instruksiyon nga basahon kini.
◼ Panaghisgot: Kini maoy pakigpulong nga dunay partisipasyon ang mamiminaw. Dili kini pakigpulong lamang ug dili usab pangutanag tubag tanan.
◼ Pasundayag ug Interbiyo: Ang mga instruksiyon nga ipasundayag nagpasabot nga ang dunay bahin maghikay gayod ug pasundayag, apan dili siyay mopasundayag. Kinahanglang kuwalipikado ug sulondan ang iyang pilion, ug abante niya kining hikayon kon mahimo. Labing maayo nga dili gamiton ang bag-ohan ug wala pay kasinatian nga mga magmamantala nga maoy mopasundayag aron lang makasulay. Apan puwede silang gamitong tagbalay. Ang mga mopasundayag angayng mag-atubang sa mamiminaw. Ang mga interbiyohon pasak-on gayod sa plataporma. Angayng i-rehearse ang mga pasundayag ug mga interbiyo. Kon moobertaym ang programa ug kinahanglang pamub-on sa brader ang iyang bahin, dili niya wad-on ang mga pasundayag ug mga interbiyo. Ang mga ministeryal angayng mokonsulta sa koordinetor sa lawas sa mga ansiyano o sa laing ansiyano sa dili pa mopilig mga partisipante.
Kon dunay bahin nga may linaing mga instruksiyon, sundon gayod kini. Pinaagi sa pagpresentar sa mga bahin sa Tigom sa Pag-alagad sumala sa gihisgotan dinhi, ang mga brader makatampo sa pagpahigayon niining tigoma nga “may kahapsay ug pinaagig kahikayan.”—1 Cor. 14:40.