Kon Nagkinahanglan Ka Dayon ug Literatura sa Langyawng Pinulongan

Usahay makahibalag kitag mga tawo nga gustong mobasag literatura sa langyawng pinulongan apan walay estak ang kongregasyon. Nahibalo ka ba nga kon maka-Internet ka ug duna kay printer, makaimprenta kag literatura sa halos 400 ka pinulongan? Kini ang himoon:

• Buksi ang www.watchtower.org, ang atong opisyal nga Web site.

• Sa tuong bahin sa home page dunay listahan sa mga pinulongan. I-click ang icon nga globo para sa listahan sa tanang mabatonang pinulongan.

• I-click ang pinulongan nga imong gusto. Motungha ang panid nga nagpakita sa literatura nga mahimo nimong iimprenta, sama sa mga tract, brosyur, ug mga artikulo. Kay kini nga panid gisulat man sa pinulongan nga imong gipili, ayawg kabalaka kon wala kay mailhang mga ulohan.

• I-click ang bisan unsang artikulo. Mogawas kini diha sa eskrin ug mahimong iimprenta pinaagi sa pag-click sa print diha sa imong browser.

Ang makita diha sa atong Web site maoy pipila lang sa literatura nga mabatonan; ang ubang publikasyon mabatonan pinaagi sa kongregasyon. Kon maugmad na nimo ang interes, mas maayong moorder ug literatura diha sa inyong kongregasyon.