Usa ka Paagi sa Paggamit sa Brosyur nga Mensahe sa Bibliya

Daghan diha sa atong teritoryo ang dili sinati sa Bibliya ilabina kadtong sakop sa dili Kristohanong mga relihiyon. Sa dihang magtuon uban kanila gamit ang librong Gitudlo sa Bibliya, ang ubang magmamantala naggamit usab sa brosyur nga Mensahe sa Bibliya sa pagtabang sa estudyante nga masinati sa Bibliya. Pananglitan, ang usa ka brader naglakip paghisgot sa seksiyon 1 sa maong brosyur sa dihang nagtuon sila sa kapitulo 3 sa librong Gitudlo sa Bibliya. Dayon, siya naghisgot ug laing seksiyon human sa matag pagtuon. Duna ka bay giestadihan nga diyutay ra o wala gayoy kahibalo sa Bibliya? Aron matabangan siya nga makakat-on sa ‘balaang mga sinulat, nga makahimo kaniyang maalamon alang sa kaluwasan,’ sulayi paggamit ang brosyur nga Mensahe sa Bibliya uban sa librong Gitudlo sa Bibliya.—2 Tim. 3:15.