Mga Sugyot Aron Mahimong Praktikal ang mga Tigom Alang sa Pagsangyaw

Sama sa tanang tigom sa kongregasyon, ang tigom alang sa pagsangyaw maoy tagana ni Jehova nga makatabang nato nga magdinasigay sa pagpakitag gugma ug paghimog maayong mga buhat. (Heb 10:24, 25) Kini angayng himoon sa lima ngadto sa pito ka minuto, nga naglakip sa pag-organisar sa mga grupo, pag-asayn ug teritoryo, ug pag-ampo. (Kon sundan kinig laing tigom, angay nga mas mubo pa kini.) Ang magdumala niini angayng mag-andam ug praktikal nga impormasyon alang niadtong makigbahin sa ministeryo nianang adlawa. Pananglitan, sa Sabado dihang ang kadaghanan wala makapakigbahin sa ministeryo sukad sa miaging hinapos sa semana, lagmit mas praktikal nga hisgotan kon unsay puwedeng isulti ngadto sa tagbalay. Unsa pang mga topiko ang maayong hisgotan?

• Sampol nga pagpakig-estorya sa Atong Kristohanong Kinabuhi ug Ministeryo—Workbook sa Tigom

• Kon unsaon pagsugod ug panag-estorya gamit ang bag-ong hitabo o balita

• Kon unsaon pagtubag ang usa ka komon nga pagsupak

• Kon unsaon pagtubag ang usa ka ateyista, ebolusyonista, tawo nga lahig pinulongan, o kadtong sakop sa relihiyon nga dili komon sa inyong teritoryo

• Kon unsaon paggamit ang usa ka feature sa jw.org, JW Library^® app, o sa Bibliya

• Kon unsaon paggamit ang usa ka publikasyon sa Teaching Toolbox

• Kon unsaon pagpakigbahin sa usa ka espesipikong bahin sa ministeryo, sama sa pagsangyaw pinaagig telepono o sulat, publikong pagsangyaw, pagbalikduaw, o pagdumalag Bible study

• Mga pahinumdom bahin sa safety, pagpasibo, maayong pamatasan, pagkapositibo, o uban pa

• Leksiyon o video gikan sa brosyur nga Mahimong Hanas sa Pagbasa ug Pagpanudlo

• Kon unsaon pagdasig ug pagtabang ang partner sa pagsangyaw

• Teksto nga konektado sa ministeryo o makapadasig nga kasinatian sa pagsangyaw