Lungawimi Innsungsang Nun Hrangah Ziang A Thupi?

BAIBAL SIMMI

“Pathian thu a thei ih a thlun taktaktu pawl cu mi thlawsuak [“lungawi,” NW] an si!”—Luka 11:28.

BAIBAL IN NA ṬHATHNEMNAK DING PAWL

Duhdawtnak diktak neihnak.—Efesa 5:28, 29.

Upatnak diktak neihnak.—Efesa 5:33.

Himnak diktak neihnak.—Marka 10:6-9.

BAIBAL SIMMI CU NA RINSAN THEI MAW?

Rinsan theinak ding a malbik thu pahnih:

• Pathian cu Innsungsaang Hramthawksaktu a si. Jehovah Pathian cu “Innsung- saang kip ih . . . a hmin an laknak hram a si,” tin Baibal in a sim. (Efesa 3:14, 15) Jehovah in a sersiam ruangah Innsungsaang a um ti kan cohlang kha ziangruangah a thupi?

  Ruat tha hnik aw: A thawzetmi hmeh na ei hnuah hi hmeh sungah ziangvek thil pawl a tel ti na thei duh le zo so na sut ding? A suangtu kha na sut ding silo maw?

  Cubangtukin Innsungsaang nun lungawiternak dingah thuhla na thei duh a si le Innsungsaang nun a Hramthawktu Jehovah kha na sut ding a si.—Seemtirnak 2:18-24.

• Pathian cun nan zawn a lo ruat. Innsungkua khatciar in Pathian pekmi thurawn pawl zuamzet in na thlun asile mifim na si ding. Ziangruangah? “Ziangahtile amah cu nan zawn a lo ruattu a si.” (1 Piter 5:6, 7) Jehovah cu na ṭhatnak dingah a lo duhsak. Curuangah amah zirhmi hi kan hrangah ṭhatnak a um ringring!—Thufim 3:5, 6; Isaiah 48:17, 18.