Baibal Hi Ziangtin Na Hmu?

BAIBAL SIMMI

“Ca Thianghlim hmuahhmuah hi Pathian ih thawkkhummi a si.”—2 Timote 3:16.

BAIBAL IN NA ṬHATHNEMNAK DING PAWL

Nunnak thawi pehpar aw in a thupimi thusuhnak pawl hrangah lungkim zet dingmi aphi.—Thufim 2:1-5.

Nitin kan nunnak ih rinsantlak mi kaihhruainak.—Saam 119:105.

Hmailam hrangah ruahsannak diktak.—Rom 15:4.

BAIBAL SIMMI CU NA RINSAN THEI MAW?

Rinsan theinak dingah a malbik thu pathum:

• Mangbangthlak in dung le hmai rualaw zet. Baibal cu kan dunglam kum 1,600 lenglo hrawngah midangdang 40 tluk in an rak ngan. Atam sawn cu pakhat le pakhat an hmu aw dah lo. Asinan Pathian hmin le a uknak timi thuhla lawng kha a hleice in an ngan ruangah Baibal cu dunglam hmalam a rualaw zet a si!

• Atluangtlammi Baibal ngantu pawl. Leitlun thuanthu ngantu pawl cun anmah ih hlawhtlinnak lawnglawng an ngan ṭheu. Asinan Baibal ngantu pawl cu anmah le an miphun hlawhsamnak pawl tla fiangten an ngan.—2 Sansiarnak 36:15, 16; Saam 51:1-4.

• Rinsantlakmi thusimcianak. Hlanlai Babilon khawpi cu a siatral ding tiin Baibal in kum 200 lenglo a rak sim cia. (Isaiah 13:17-22) Babilon khawpi a siatral daan ding le siatsuahtu ding hmin tiang a ngan!—Isaiah 45:1-3.

  Baibal sim ciami a tam sawn cu cipciar in a kim ṭheh. Hi mi thuhla pawl in Baibal cu Pathian kaihhruainak in nganmi a si ti kan rinsan thei.—2 Piter 1:21.