Leitlun Uktu Ngaingai Hi Zo A Si?

BAIBAL SIMMI

“Leilung pumpi hi Satan kut hnuai ah a um.”—1 Johan 5:19.

“Pathian Fapa langnak cu Satan hnatuannak siatsuah ṭheh ding rori ahhin a si.”—1 Johan 3:8.

BAIBAL IN NA ṬHATHNEMNAK DING PAWL

Leitlun buainak thawn pehpar in thurualremzetmi simfiangnak.—Thuphuan 12:12.

Leitlun thil umdaan hi ṭhatlam a pan vivo thlang ding ti rinsantheinak.—1 Johan 2:17.

BAIBAL SIMMI CU NA RINSAN THEI MAW?

Rinsan theinak ding a malbik thu pathum:

• Satan uknak cu siatnak lam a pan cuahco rero zo. Jehovah cun minung pawl parah Satan in a uk rero laimi hi cemter dingah thu a relcat zo. “Satan kha a siatsuah ih” amai suahtermi buainak hmuahhmuah pawl kha hloralter thluh ding tiin in tiamkam.—Hebru 2:14.

• Pathian in hi leilung uktu dingah Jesuh Khrih cu a hril zo. Minunsia, zangfah nei lo, mahhranglawng ruatmi tulai leitlun uktu pawl thawn Jesuh cu an bang aw lo. Jesuh uknak thawn pehparin Pathian in hitin thukamnak a nei: “Miderdai le mifarah par ah zangfahnak a nei ih, . . . Hmuhsuamnak le thisen luannak sungin a run.”—Saam 72:13, 14.

• Pathian cu thuphan a per thei lo. ‘Pathian cun thuphan a per lo,’ tiin Baibal in fiangtein a sim. (Hebru 6:18) Jehovah cun thil pakhatkhat tuahsak ding thu a kam tikah cu mi cu a tuah zovek in a ruat! (Isaiah 55:10, 11) “Leilung uktu cu dawihlo a si ding.”—Johan 12:31.