Nunuwihe Ewodhelo Yehu Mmabasani A Olaleya​—Nakamihedhe “Abale Athomeliwe Egumi” wi Akale Anamasunza

EKALELENI YAMAKAMAKA: Yehova ddili munya onunuwiha beu dhebaribari mmirimani mwa “abale athomeliwe egumi yamukala-kala”. (Mer 13:48; 1Kor 3:7) Iyo ninlaba vamodha na iyene mwa okalela mento vina ozuzumela mabasihu a olaleya, nakoselaga guru abale ana efunelo ya weddana dhinsunzani. (1Kor 9:26) Enofuneya awene anya ononelamo wi obatiziwa na nzina na Yezu kunimuttukulela muttuya ottidda egumi yamukala-kala. (1Ped 3:21) Iyo nigasunzihaga anamasunza ehu a Bibilia, kuloga ninalagiha yeddelo enakoddelihe egumi yawa, akanaga efunelo ya olaleya na osunziha, veli-veli amperhikelaga egumi yawa Yehova.—Mt 28:19, 20.

NINAKOSE DHAVI:

• Nimwaddele namasunza wi efunelo ya nsunzona ja omukamihedha iyene ‘omuziwa’ Yehova vina omuttittimiha.—Jo 17:3

• Omuttukulela vasogorho mpaddi womuyani, nimuwodhihaga ogonjiha dhorutxa dhaye, ninga vilemelelo dhoputtula, vina wandana wosumuleliwa

• Omuwaraliha vina omulibiha ahinatti obatiziwa vina agamala.—Mer 14:22

KOONA VIDIYU YEHOVA ONELA WUTTIDDELA, OGAMALA WAKULE MAVUZO ABA:

• Txini enovetxa muttu bafiyedha okodda omperhekela Mulugu egumi yaye vina bakodda obatiziwa?

• Munddimuwa wa mulogo owodhile dhavi omukamihedha namasunza wa Bibilia bafiyedha odhowa vasogoro?

• Masunziho gani ankanihu mwari mwa nivuru na Izaiya 41:10 mowiwanana na Yehova?

• Merelo gani ananiwodhihe orumeliwa omulabela wehu Yehova, masiki nikalaga attegi?