Cume vidite l’avvene ?

RISPOSTA DI A BÌBBIA

« Diu [...] asciuvarà ogni làcrima da i so ochji, è a morte ùn esisterà più, è ùn ci sarà più nè dolu, nè brionu, nè dulore perchè e prime cose sò sparite » (Apocàlisi 21:3, 4, a Sacra Bìbbia C. Dubois).

ECCU CIÒ CHÌ SIGNIFICHEGHJA

Sta prumessa vi permette di sperà :

un travàgliu interessante è chì suddisface (Esàia 65:21-23),

una vita senza malatìa nè suffrenza di alcuna manera (Esàia 25:8 ; 33:24),

a felicità per sempre in cumpagnìa di i vostri è di l’amichi (Salmi 37:11, 29).

PUDEMU CREDE COSA DICE A BÌBBIA ?

Iè, per omancu duie ragione :

• Diu pò tene e so prumesse. Indè a Bìbbia, Ghjehova Diu solu hè chjamatu « onniputente », perchè a so putenza ùn hà lìmite (Apocàlisi 15:3). Dunque, hè veramente capace di tene a so prumessa di cambià u mondu. Cume a dice a Bìbbia, « à Diu tuttu hè pussìbule » (Matteu 19:26).

• Diu vole tene e so prumesse. Per esèmpiu, Ghjehova « languisc[e] » di rende a vita à i morti (Ghjobbe 14:14, 15).

  In più, cum’è u mostra a Bìbbia, u Figliolu di Diu, Ghjesù, hà guaritu i malati perchè u vulìa anch’ellu (Marcu 1:40, 41). A so brama d’aiutà i disgraziati rispechjava quella di u so Babbu (Ghjuvanni 14:9).

  Dunque, pudemu esse sicuri chè Ghjehova è Ghjesù vòlenu dacci un avvene beatu ! (Salmi 72:12-14 ; 145:16 ; 2 Petru 3:9).