I morti puderanu rivive un ghjornu ?

RISPOSTA DI A BÌBBIA

« Ci sarà una risurrezzione » (Atti 24:15, a Sacra Bìbbia C. Dubois).

ECCU CIÒ CHÌ SIGNIFICHEGHJA

Sta prumessa vi dà :

a cunsulazione di fronte à a morte di i vostri (2 Curintini 1:3, 4),

a liberazione di a paura di a morte (Ebrei 2:15),

a speranza di rivede i vostri morti (Ghjuvanni 5:28, 29).

PUDEMU CREDE COSA DICE A BÌBBIA ?

Iè, per omancu trè ragione :

• Diu hè u Creatore di a vita. A Bìbbia dice chì Ghjehova Diu « dà à tutti a vita, a rispirazione, è ogni cosa. » (Atti 17:24, 25). Quellu chì hà datu a vita à tutti l’èsseri vivi, hè di sicuru capace di rendela à qualchidunu chì hè mortu.

• Diu hà risuscitatu umani tempi fà. A Bìbbia cuntene ottu raconti induve ghjente (giòvani, vechji, omi, donne è zitelli) sò state risuscitate per campà nant’à a terra. Certi vinìanu ghjustu di more, ma unu era indè a tomba dipoi quattru ghjorni ! (Ghjuvanni 11:39-44).

• Diu hè bramosu di ricumincià. Ghjehova òdia a morte ; a cunsidereghja cum’è una nimica (1 Curintini 15:26). « Languisc[e] » di vince sta nimica, d’eliminà a morte gràzia à a resurrezzione. Li brama di fà rivene quelli chì sò indè a so memòria per vedeli rivive nant’à a terra (Ghjobbe 14:14, 15).