E suffrenze finisceranu un ghjornu ?

RISPOSTA DI A BÌBBIA

« Diu [...] asciuvarà ogni làcrima da i so ochji. A morte ùn esisterà più, ùn ci sarà più nè dolu, nè brioni, nè suffrenza » (Apocàlisi 21:3, 4, Parole de Vie).

ECCU CIÒ CHÌ SIGNIFICHEGHJA

Sta prumessa vi dà :

a certezza chì Diu ùn hè micca a càusa di i vostri prublemi (Ghjàcumu 1:13),

u cunfortu di sapè chì face pena à Diu quandu suffrite (Zachària 2:8),

a speranza certa chì tutte e suffrenze finisceranu (Salmu 37:9-11).

PUDEMU CREDE COSA DICE A BÌBBIA ?

Iè, per omancu duie ragione :

• Diu òdia e suffrenze è l’inghjustìzia. Rimarcate ciò chì Ghjehova Diu risentìa, tempi fà, quandu u so pòpulu era maltrattatu. D’appressu à a Bìbbia, « avìa pietà di elli quandu si lagnàvanu sottu à i gattivi trattamenti » (Ghjùdici 2:18, Bible en français courant).

  Diu ùn appruveghja micca quelli chì fàcenu u male à l’altri. Per esèmpiu, a Bìbbia dice chì Diu « òdia [...] e mani chì spàrghjenu u sangue nucente » (Pruvèrbii 6:16, 17, a Sacra Bìbbia C. Dubois).

• Diu si primureghja di ognunu persunalmente. Ogni omu sà chì hè « a so piaca è u so dulore », ma ancu Ghjehova a sà ! (2 Cròniche 6:29, 30).

  Frà pocu, per mezu di u so Reame, Ghjehova metterà fine à e suffrenze di ognunu (Matteu 6:9, 10). Intantu, Diu cunsuleghja cù tenerezza tutti quelli chì u cèrcanu cù sincerità (Atti 17:27 ; 2 Curintini 1:3, 4).