Chì hè u Reame di Diu ?

RISPOSTA DI A BÌBBIA

« U Diu di i celi suscitarà un reame chì ùn sarà mai distruttu » (Daniellu 2:44, a Sacra Bìbbia C. Dubois).

« Un figliolu ci hè statu datu è u guvernu sarà nantu à a so spalla » (Esàia 9:6, Bible de Darby).

ECCU CIÒ CHÌ SIGNIFICHEGHJA

Ste prumesse vi guarantiscenu :

• un guvernu ghjustu, capace di procuravvi benfatti sùbitu (Esàia 48:17, 18).

• in u mondu novu à vene, una vita in perfetta salute è a felicità (Apocàlisi 21:3, 4).

PUDEMU CREDE COSA DICE A BÌBBIA ?

Iè, per omancu duie ragione :

• Ghjesù hà fattu vede ciò chì u Reame di Diu cumpierà. Ghjesù hà amparatu à i so discìpuli à pregà per chì u Reame di Diu venghi è chì a voluntà di Diu sìa fatta nant’à a terra (Matteu 6:9, 10). Hà mustratu cume sta prighera sarà esaudita.

  Quandu era nant’à a terra, Ghjesù hà datu à manghjà à i famiti, guaritu i malati è ridatu a vita à i morti ! (Matteu 15:29-38 ; Ghjuvanni 11:38-44). Da futuru dirigente di u Reame di Diu, Ghjesù hà datu una vista magnìfica di ciò chì stu Reame purterà à l’umanità (Apocàlisi 11:15).

• E cundizione mundiale cunfirmeghjanu a venuta pròssima di u Reame di Diu. Ghjesù hà annunziatu chì, ghjustu nanzu chì u Reame di Diu stabilisca a pace nant’à a terra, u mondu sarebbe toccu da guerre, carestie è terramoti (Matteu 24:3, 7).

  Ste disgrazie e vidimu oghje. Dunque pudemu esse sicuri chì, frà pocu, u Reame di Diu farà sparisce tutti i guai di stu ghjenaru.