Quale hè u capu di stu mondu ?

RISPOSTA DI A BÌBBIA

« U mondu sanu hè in manu di u Diavule » (1 Ghjuvanni 5:19, Bible du Semeur).

« U Figliolu di Diu hè statu manifestatu affine di distrughje l’òpere di u Diavule » (1 Ghjuvanni 3:8, a Sacra Bìbbia C. Dubois).

ECCU CIÒ CHÌ SIGNIFICHEGHJA

Ste verità vi danu :

una spiegazione lògica à i prublemi di u mondu (Apocàlisi 12:12),

una ragione di crede in un mondu più bellu (1 Ghjuvanni 2:17).

PUDEMU CREDE COSA DICE A BÌBBIA ?

Iè, per omancu trè ragione :

• Diu hà cundannatu a duminazione di u Diavule. Ghjehova Diu hè decisu di mette fine à u dumìniu di Satanassu u Diavule annant’à l’omi. Ellu prumette di « distrughj[e] [...] u Diavule » è di riparà tutti i disguasti ch’ellu hà fattu (Ebrei 2:14).

• Diu hà sceltu à Ghjesù Cristu per guvernà u mondu. Ghjesù hè tuttu u cuntrariu di u capu egoistu è crudele chì supraneghja avà u mondu. Diu prumette chì, da rè, Ghjesù « averà pietà di u mìseru è di u disgraziatu, [...]. I liberarà di l’oppressione è di a viulenza » (Salmi 72:13, 14).

• Diu ùn pó dì bugie. A Bìbbia dice chjaramente : « Hè impussìbule chì Diu dica bugie » (Ebrei 6:18). Quandu Ghjehova prumette qualcosa, hè cumè s’ella fussi fatta (Esàia 55:10, 11). Hè certu, « U capu di stu mondu hà da esse ghjittatu fora » ! (Ghjuvanni 12:31, Traduction du monde nouveau).