ᑖᓂᓯ ᑭᔭ ᑭ ᐃᓯ ᐃᑖᐸᐦᑌᐣ ᑭᐦᒋ ᒪᓯᓇᐦᐃᑲᐣ?
ᑭᑲ ᐃᑤᐣ ᐃᓯ . . .
ᒪᓯᓇᐦᐃᑲᐣ ᐅᐦᒋ ᐊᔨᓯᔨᓂᐤ ᐃᔨᓃᓯᐏᐣ?
ᒪᓯᓇᐦᐃᑲᐣ ᐅᐦᒋ ᑲᔮᐢ ᐋᑕᔫᐦᑫᐏᓇ?
ᐃᑘᐏᐣ ᐅᐦᒋ ᑭᓭᒪᓂᑐᐤ?
ᑭᐦᒋ ᒪᓯᓇᐦᐃᑲᓂᕽ ᐃᑕᐢᑌᐤ
“ᑲᐦᑭᔭᐤ ᑭᐦᒋ ᒪᓯᓇᐦᐃᑫᐏᐣ ᑭ ᐃᑌᔨᑕᒧᐃᐍᐤ ᑭᓭᒪᓂᑐ.” 2 ᑎᒪᑏ 3:16, ᑲᓈᒋ ᑭᐦᒋ ᒪᓯᓇᐦᐃᑲᐣ᙮
ᑮᒁᐩ ᒫᑲ ᐊᓂᒪ ᑭᑕ ᐃᑘᒪᑲᕽ ᑭᔭ ᐅᐦᒋ
ᓇᐦᐃ ᓇᐢᑯᒧᐏᓇ ᐅᐦᒋ ᐱᒫᑎᓯᐏᓂ ᒥᓯ ᑲᑵᒋᐦᑫᒧᐏᓇ᙮ ᑲᑫᐦᑖᐍᐏᓇ 2:1–5᙮
ᐊᐢᐯᔨᒧᐏ ᑭᐢᑭᓄᐦᑕᐦᐃᐍᐏᐣ ᐅᐦᒋ ᑕᐦᑐ ᑮᓯᐠ ᐱᒫᑎᓯᐏᐣ᙮ ᓂᑲᒧᓇ 119:105᙮
ᐅᐦᒋᑕᐤ ᐸᑯᓭᔨᐦᑕᒧᐏᐣ ᐅᐦᒋ ᐊᓂᒪ ᓃᑳᐣ᙮ ᕒᐅᒪᓇ 15:4᙮
ᑲ ᑮ ᑖᐻᐦᑌᓇᐤ ᒌ ᑫᐦᒋᓈ ᑳ ᐃᑘᕽ ᑭᐦᒋ ᒪᓯᓇᐦᐃᑲᓂᕽ?
ᐁᐦᐊ, ᐅᓵᒼ ᑖᐢᑇᐤ ᓂᐢᑐ ᐃᑌᔨᐦᑕᒧᐏᓇ:
ᒫᒪᐢᑳᒋ ᒥᔪ ᐋᐦᑲᒣᔨᐦᑕᒧᐏᐣ᙮ ᑭᐦᒋ ᒪᓯᓇᐦᐃᑲᐣ ᐁ ᑮ ᐯ ᒪᓯᓇᐦᐃᑳᑌᐠ ᓂᑯᑤᓱᓵᑊ ᒥᑖᑕᐦᑐᒥᑕᓇᐤ ᐊᐢᑭᔭ ᐅᐦᒋ ᓀᐓᒥᑕᓇᐤ ᐲᑐᐢ ᐊᔨᓯᔨᓂᐘᐠ᙮ ᐅᓵᒼ ᐳᑯ ᑲᐦᑭᔭᐤ ᓇᒨᔭ ᐑᐦᑳᐨ ᐁ ᑮ ᓇᑭᐢᑳᑐᒋᐠ᙮ ᑖᐢᑇᐤ, ᑲᐦᑭᔭᐤ ᐆᒪ ᒪᓯᓇᐦᐃᑲᐣ ᐋᐦᑲᒣᔨᒧᐦᑖᑿᐣ ᐯᔭᑯ ᐃᑌᔨᐦᑕᒧᐏᐣ!
ᑿᔭᐢᐠ ᑲᔮᐢ ᐃᐢᐸᔨᐏᐣ᙮ ᐊᓂᑭ ᑲᔮᐢ ᐃᐢᐸᔨᐏᐣ ᑳ ᐊᑐᐢᑳᑕᐦᑭᐠ ᐸᐹᓯ ᐊᑿᓇᐦᐊᒷᐠ ᑳ ᑮ ᐸᐢᑭᔭᐑᐦᒋᐠ ᐅᑕᔨᓯᔨᓂᒥᐚᐘ᙮ ᒫᑲ ᓈᐘᐨ ᐲᑐᐢ, ᑭᐦᒋ ᒪᓯᓇᐦᐃᑫᐘᐠ ᑿᔭᐢᐠ ᑮ ᐑᐦᑕᒷᐠ ᑳ ᑮ ᐘᓂ ᐃᑑᑕᐦᑭᐠ ᐁᑿ ᐅᐦᒋ ᐊᓂᑭ ᐅᑕᐢᑮᐚᐘ᙮ 2 ᐊᑭᓀ ᐋᒋᒧᐏᓇ 36:15, 16; ᓂᑲᒧᓇ 51:1–4᙮
ᐊᐢᐯᔨᒧᐏ ᓃᑳᓂ ᑭᐢᑮᐍᐦᐃᑫᐏᐣ᙮ ᑭᐦᒋ ᒪᓯᓇᐦᐃᑲᐣ ᑮ ᓃᑳᓂ ᐑᐦᑕᒪᑫᐤ ᐁ ᐑ ᒥᓯᐘᓈᒋᐦᑖᕽ ᐅᑲᔮᐢ ᐅᑌᓇᐤ ᐹᐱᓬᐊᐣ ᐁᓴ ᓃᐢᐚᐤ ᒥᑖᑕᐦᑐᒥᑕᓇᐤ ᐊᐢᑭᔭ ᐹᒭᔭᐢ ᑲ ᐃᐢᐸᔨᐠ᙮ (ᐊᐩᓵᔭ 13:17–22) ᑮ ᐑᐦᑕᒼ ᓇᒨᔭ ᒧᐢᒋ ᑲ ᐑ ᐃᓯ ᐸᐦᑭᓯᒫᐟ ᐹᐱᓬᐊᐣ ᒫᑲ ᐊᐦᐴ ᐅᐑᐦᐅᐏᐣ ᐊᓇ ᑳ ᑮ ᐸᐢᑭᔭᑯᐟ! ᐊᐩᓵᔭ 45:1–3᙮
ᒥᐦᒉᐟ ᑯᑕᑲ ᑭᐦᒋ ᒪᓯᓇᐦᐃᑲᐣ ᓃᑳᓂ ᑭᐢᑮᐍᐦᐃᑫᐏᓇ ᒦᓇ ᑮ ᐯ ᑖᐻᒪᑲᓌ ᐊᐦᐴ ᐃᐢᑯᕽ ᐁ ᒫᐘᒋ ᐊᐱᓯᓰᒪᑲᕽ᙮ ᒫᑲ ᓇᒪᒌ ᐁᐘᑯ ᒧᐢᒋ ᑳ ᐃᐦᑕᑌᔨᐦᑕᒪᕽ ᐅᐦᒋ ᐃᑘᐏᐣ ᑭᓭᒪᓂᑐᐤ? 2 ᐱᑕᕒ 1:21᙮
ᐆᒪ ᑭᑕ ᒫᒥᑐᓀᔨᐦᑕᒪᐣ
ᑖᓂᓯ ᒫᑲ ᑭᓭᒪᓂᑐᐤ ᐃᑘᐏᐣ ᑭᑕ ᐃᓯ ᑵᐢᑲᐢᑖᐤ ᑭᐱᒫᑎᓯᐏᐣ?
ᑭᐦᒋ ᒪᓯᓇᐦᐃᑲᐣ ᓇᐢᑯᑕᒼ ᐆᒪ ᑲᑵᒋᐦᑫᒧᐏᐣ ᐆᑕ ᐊᐩᓵᔭ 48:17, 18 ᐁᑿ 2 ᑎᒪᑏ 3:16, 17᙮