Eski ou kapab fer ou Lakour disponib?
1 Dan premye syek, bokou Kretyen ti fer zot lakour disponib pour fer bann renyon kongregasyon ladan. (1 Kor. 16:19; Kol. 4:15; Filem. 1, 2) Ozordi dan serten kongregasyon, napa bokou landrwa pour fer Letid Liv Kongregasyon ek randevou pour predikasyon. Sa i fer ki dan serten group letid liv, i kapab annan 30 oubyen plis dimoun ki asiste. Sa i plis ki sa sif 15 dimoun ki sipoze annan dan en letid liv.
2 En gran Privilez: Eski ou’n reflesir pour fer ou lakour disponib pour servi konman en Letid Liv Kongregasyon? En lasanm oubyen en lavarang ase gran ki prop, annan laklerte, e ki annan ase ler i ideal pour fer sa renyon. Pour annan en letid liv kot ou lakour i en gran privilez. Sa i akoz letid liv i en renyon kongregasyon e i en laranzman ki Zeova in fer pour enstri son pep. Bokou frer ek ser in dir ki zot in benefisye spirityelman kan zot in fer zot lakour disponib pour fer sa renyon.
3 Si ou panse ki ou lakour i apropriye, alor fer bann ansyen konnen. Zot kapab pe rod plis landrwa pour servi. Si i pa posib pour fer letid liv kot ou lakour, eski bann randevou predikasyon i kapab ganny fer? Menm si napa en bezwen pour servi en lot landrwa la konmela, bann ansyen pou kontan pour konnen ki ou lakour i disponib. Ou pou kapab rezwir sa privilez plitar.
4 Annan bon Konportman: Kan nou pe rasanble dan en lakour prive, tou dimoun ki pe asiste i bezwen respekte propriyete sa dimoun. Paran i devret fer sir ki zot zanfan i reste dan sa landrwa kot in ganny dezinyen pour fer letid, non pa pour les zot al dan bann landrwa prive sa lakour. Konsiderasyon i devret osi ganny montre anver bann vwazen, par fer atansyon pour pa tro deranz zot.—2 Kor. 6:3, 4; 1 Pyer 2:12.
5 Ebre 13:16 i ankouraz nou pour pa oubliye “fer dibyen e ed kanmarad, parski se bann sakrifis koumsa ki fer plezir Bondye.” Fer ou lakour disponib pour fer en renyon kongregasyon i en bon fason pour fer dibyen e pour ed kanmarad, e pour “onor Zeova avek ou bann keksoz valer.”—Prov. 3:9.