Konman pour konmans Letid Labib dan Liv Ki Labib i vreman dir?
Bokou nou, nou kontan kondwir en letid Labib me selman nou bezwen led pour konmans en letid. Alors, sa nouvo liv Ki Labib i vreman dir? i kapab ed nou. Sa prefas lo paz 3-7 in ganny fer pour nou kapab fer en konversasyon lo Labib avek en dimoun par servi sa liv. Menm bann proklanmater ki napa bokou leksperyans dan predikasyon pou vwar li fasil pour servi sa liv pour konmans bann letid Labib.
◼ Par servi paz 3, ou kapab esey sa lapros:
Apre ki ou’n mansyonn en nouvel oubyen en problenm ki pe trakas dimoun dan ou teritwar, diriz latansyon sa dimoun anver bann kestyon an gro lekritir nwanr lo paz 3, e envit li pour fer komanter. Apre vir lo paz 4-5.
◼ Oubyen ou kapab swazir pour konmans avek paz 4-5:
Ou kapab dir, “Pa i ti pou gou si sa bann sanzman i vreman arive?” Oubyen ou kapab demande, “Lekel sa bann promes ou ti pou kontan vwar ganny akonpli?” Ekout son larepons atantivman.
Si sa dimoun i vreman enterese avek en verse Labib, montre li sa ki Labib i dir lo sa size par egzamin bann paragraf dan liv ki koz lo sa verse. (Vwar bwat dan sa sipleman.) Egzamin sa lenformasyon parey ou ti pou fer lo en letid Labib. Sa i kapab ganny fer dan senk a dis minit devan laport premye fwa ki ou zwenn en dimoun.
◼ Par servi paz 6, ou kapab fer sa dimoun eksprim li:
Atir latansyon sa dimoun lo sa bann kestyon anba lo paz, e demande, “Eski ou’n deza demann ou lekor sa bann kestyon?” Si i enterese avek enn sa bann kestyon, al lo bann paragraf dan sa liv ki reponn sa kestyon. (Vwar bwat dan sa sipleman.) Anmezir ki zot egzamin sa lenformasyon ansanm, ou pe kondwir en letid Labib.
◼ Paz 7 i kapab ganny servi pour demontre konman fer en letid Labib:
Lir sa trwa premye fraz lo sa paz, e apre al lo sapit 3 e demontre konman fer en letid par servi paragraf 1-3. Fer laranzman pour retournen pour diskit larepons bann kestyon dan paragraf 3.
◼ Konman ou pou fer laranzman pour retournen:
Fer laranzman pour kontiny sa diskisyon ler ou pe konklir sa premye letid. Ou kapab dir: “Dan zis detrwa minit, nou’n aprann ki Labib i dir lo en size enportan. Prosenn fwa, nou kapab diskite [demann en kestyon ki pou ganny egzaminen]. Eski mon kapab pase menm ler semenn prosen?”
Anmezir ki nou apros pli pre avek lafen, Zeova i kontinyen ekip nou pour fer sa travay ki nou bezwen akonpli. (Mat. 28:19, 20; 2 Tim. 3:17) Annou byen servi sa bon zouti pour konmans bann letid Labib.
[Bwat lo paz 3]
Diskisyon bann Verse Labib lo Paz 4-5
◻ Revelasyon 21:4 (p. 27-8, par. 1-3)
◻ Izai 33:24; 35:5, 6 (p. 36, par. 22)
◻ Zan 5:28, 29 (p. 72-3, par. 17-19)
◻ Psonm 72:16 (p. 34, par. 19)
Larepons bann Kestyon lo Paz 6
◻ Akoz nou soufer? (p. 108-9, par. 6-8)
◻ Ki mannyer nou kapab fer fas avek traka lavi? (p. 184-5, par. 1-3)
◻ Ki nou kapab fer pour nou lavi fanmiy vin pli gou? (p. 143, par. 20)
◻ Ki i arive avek nou ler nou mor? (p. 58-9, par. 5-6)
◻ Eski en zour nou pou revwar nou bann defen? (p. 72-3, par. 17-19)
◻ Kwa ki fer nou asire ki Bondye pou akonpli son promes alavenir? (p. 25, par. 17)