Eski ou konn ou bann opsyon?
Dan plizyer sant medikal partou dan lemonn, en kantite loperasyon pe ganny fer san servi disan. Eski ou byen enformen lo bann opsyon ki bann dokter i ofer lo bann tretman ki pa enplik disan? Ou bezwen konnen pour ou kapab fer en desizyon baze lo en bon konnesans kot i konsern tretman medikal ek loperasyon. Get sa video No Blood—Medicine Meets the Challenge. Apre sa, priy lo la e revwar sa ki ou’n aprann avek led sa bann kestyon ki swiv.—Not: Vi ki sa video i annan bann senn kot pe fer loperasyon, bann paran i bezwen servi zot bon zizman ler zot pe get sa video avek zot zanfan.
(1) Ki sa rezon prensipal ki Temwen Zeova i refiz transfizyon disan? (2) Konsernan swen medikal, kwa ki bann Temwen Zeova i swete? (3) Ki drwa enportan bann pasyan i annan? (4) Akoz nou montre ki nou rezonnab e responsab ler nou swazir lezot tretman ki ranplas transfizyon disan? (5) Ler en dimoun i perdi en kantite disan, ki sa de priyorite irzan bann dokter i annan? (6) Lekel sa kat tretman prensipal ki ranplas transfizyon disan? (7) Ki mannyer bann dokter i kapab (a) limit lakantite disan ki perdi, (b) konserv bann globil rouz, (c) ogmant prodiksyon disan, e (d) rekiper bann disan ki’n perdi? (8) Dekrir sa prosedir ki ganny apele (a) hemodilution ek (b) cell salvage. (9) Lo kwa ki nou devret ganny enformen an rapor avek lezot tretman ki ranplas transfizyon disan? (10) Eski bann gran loperasyon ek bann ki konplike i kapab ganny fer san transfizyon disan? (11) Ki bann devlopman ki anmenn benefis ki pe ganny fer dan domenn medikal?
En dimoun i fer son prop desizyon dapre son konsyans baze lo Labib si i pou aksepte okenn tretman dan sa video. Eski ou’n deside ki tretman oubyen prosedir medikal ou ek ou fanmir i pare pour aksepte e apre sa ranpli en kart DPA? Pour en diskisyon konplet lo sa bann size, revwar “Kestyon Lekter” dan Latour Veyer le 15 Zen 2004 ek le 15 Oktob 2000 (Angle/Franse). Apre sa, servi sa sipleman dan Minister Rwayonm Novanm 2006 avek tit: “Ki desizyon mon pou pran konsernan bann Fraksyon Disan ek bann Prosedir Medikal ki enplik mon prop Disan?” pour fer ou desizyon konsernan bann opsyon ki ou pou swazir ouswa refize. Pour terminen, fer sir ki ou’n ekrir byen ou bann swa lo ou kart DPA. Sa bann ki ou’n swazir konman ou reprezantan ek okenn manm fanmir ki pa Temwen i devret ganny byen enformen konsernan ou desizyon.