Dan ki leta i ete?

Sa i en bon kestyon pour demann nou lekor sak fwa ki nou pe al ofer en piblikasyon. Si nou annan okenn piblikasyon ki’n ganny zorey, ki sal, ki desire oubyen ki’n sanz kouler, sa i kapab donn en move lenpresyon lo nou lorganizasyon. Sa i osi kapab anpes sa dimoun port latansyon lo sa zoli mesaz ki dan nou piblikasyon.

Ki mannyer nou kapab gard nou piblikasyon an bonn eta? Bokou proklanmater i kontan klas zot bann piblikasyon annord dan zot sak predikasyon. Par egzanp dan zot sak i annan en landrwa kot zot klas zis liv, magazin, brosir, trak, ensidswit. Apre sak konversasyon zot remet zot Labib ek sa piblikasyon ki zot pa’n servi byen menm dan zot sak pour li pa abimen. Serten proklanmater i met zot piblikasyon dan en fayl oubyen en plastik. Nenport ki fason ki nou pran swen avek nou piblikasyon, nou pa anvi donn dimoun okenn rezon pour koz an mal lo nou travay predikasyon zis akoz nou piblikasyon i dan en move leta.​—2 Kor. 6:3.