Eski ou’n pare pour fer fas avek en problenm lasante irzan?
San ekspekte, nou kapab vwar nou dan en sityasyon kot nou bezwen swen medikal irzan. (Zak 4:14) Alor, en dimoun ki pridan pou prepar li davans. (Prov. 22:3) Eski ou’n deside ki tretman ek prosedir medikal ki ou pou aksepte e eski ou’n met li an ekrir? Sa dezyenm dokimanter entitile Transfusion-Alternative Health Care—Meeting Patient Needs and Rights ki lo DVD Transfusion-Alternatives—Documentary Series pou ed ou fer ou desizyon. Anmezir ki ou get dezyenm parti sa DVD, vwar si ou kapab reponn sa bann kestyon ki swiv. Vi ki dan sa DVD i annan bann senn kot pe montre loperasyon, bann paran i devret servi bon zizman ler zot pe get avek zot zanfan.
(1) Akoz serten dokter ek lezot dimoun ki travay dan lasante pe reevalye transfizyon disan? (2) Donn trwa legzanp bann loperasyon konplike ki’n ganny fer san transfizyon disan. (3) Akoz bann dokter ek sirizyen dan lemonn antye i pare pour tret bann pasyan san transfizyon disan? (4) Ki bann dernyen letid ki’n ganny fer dan bann lopital i montre konsernan servi disan? (5) Ki danze transfizyon disan i kapab anmennen pour lasante en dimoun? (6) Ki konklizyon ki bokou eksper in tonm lo la konsernan byenfe bann tretman ki kapab ganny servi dan plas transfizyon disan? (7) Kwa ki fer en dimoun ganny lannemi e kwa ki kapab ganny fer pour anpes sa? (8) Ki mannyer lekor en pasyan i kapab prodwir plis globil rouz? (9) Ki bann metod ki ganny servi pour limit lakantite disan ki perdi pandan loperasyon? (10) Eski bann lezot tretman medikal i osi efikas pour bann zanfan e ki bann eksper i dir lo sa size? (11) Ki bann dokter i bezwen pran an konsiderasyon an sa ki konsern drwa bann pasyan?
Vi ki sakenn nou i devret fer en desizyon konsernan sa bann tretman ki dan sa DVD, pa bezwen esper ziska ki i ariv en ka irzan pour deside kwa ki ou pou aksepte e kwa ki ou pou rezete. Dan sapit 7 liv “Lanmour Bondye” ek sa bann referans ki’n ganny site dan sa liv, osi byen ki sa sipleman dan Nou Minister Rwayonm Novanm 2006 pou donn ou bokou lenformasyon ki pou ed ou fer en bon desizyon. Apre sa, si ou’n batize, ou kapab ekrir ou swa lo sa kart DPA e mars avek ou kart toultan.
[Ekstre lo paz 3]
Eski ou’n deside ki tretman ek prosedir medikal ki ou pou aksepte e met li an ekrir?