Jehovah’s Witnesses—Faith in Action, Part 2: Let the Light Shine
Bann Etidyan Labib ti annan en gran travay pour fer apre ki Frer Rutherford ek son bann konpanyon ti ganny large dan prizon an 1919. Parey sa DVD Jehovah’s Witnesses—Faith in Action, Part 2: Let the Light Shine i montre, bann Etidyan Labib ti pou ganny en kantite lopozisyon, zot konnesans lo Labib ti pou kontinyen ogmante e zot krwayans ti pou ganny aziste. (Prov. 4:18; Mal. 3:1-3; Zan 15:20) Apre ki ou’n get sa DVD, eski ou kapab reponn sa bann kestyon?
(1) Ki diferan metod bann Etidyan Labib ti servi pour propaz sa bon nouvel? (2) Kwa ki ti fer sa lasanble an 1931 ek 1935 spesyal? (3) Ki lenformasyon enportan ki ti ganny diskite dan Latour Veyer le 1 Novanm 1939 an Angle? (4) Dekrir sa ki ti arive pandan diskour Frer Rutherford “Government and Peace” kot Madison Square Garden. (5) Kwa ki ti remarkab avek diskour Frer Knorr “Peace—Can It Last?” (6) An 1942, ki Temwen Zeova ti deside fer pour ki plis dimoun i tann sa bon nouvel? (7) Nonm serten ka ki ti al devan lakour Leta-z-ini, Kanada ek Lagres e eksplike ki ti arive. (8) Ki lefe Lekol Gilead ti annan pour propaz sa bon nouvel? (9) Ki travay enportan ki ti konmanse an 1946 e akoz? (10) Ki Temwen Zeova ti bezwen fer pour fer sir ki zot kondwit i an armoni avek bann standar Labib? (11) Eksplik serten azisteman ki ti ganny fer dan bann lannen 1970 pour fer sir ki nou lorganizasyon i swiv sa menm fason organize ki dan Labib. (12) Ki mannyer sa DVD in ed ou pli byen apresye ki tou keksoz i anba kontrol Zeova e ki sa i son lorganizasyon? (13) Ki mannyer sa DVD in ranforsi ou determinasyon pour kontinyen prese avek devouman malgre bann lobstak? (14) Ki mannyer nou kapab servi sa DVD pour ed nou fanmir, etidyan Labib ek lezot?
Sak zour ki pase en nouvo paz i ganny azoute avek listwar Temwen Zeova. Ki i pou dir konsernan nou zefor dan predikasyon? Avek devouman, annou kontinyen les ‘lalimyer klere’ parey nou bann frer dan lepase!—2 Kor. 4:6.