Servi byen piblikasyon ki baze lo Labib

Zezi ti dir: “Zot in resevwar pour nanryen, donn pour nanryen.” (Mt 10:8) Nou swiv sa lenstriksyon ler nou pa fer dimoun peye ler nou donn zot en Labib oubyen en piblikasyon ki baze lo Labib. (2Ko 2:17) Par kont, sa bann piblikasyon i annan bann laverite enportan sorti dan Parol Bondye. I demann bokou zefor e i koute pour ki bann piblikasyon i ganny enprimen e anvoye dan bann kongregasyon partou dan lemonn. Alor nou devret pran zis sa ki nou bezwen.

Servi bon zizman ler nou pe donn bann piblikasyon, menm ler nou pe rann temwannyaz an piblik. (Mt 7:6) Dan plas zis donn bann piblikasyon avek tou sa ki pase, annou fer zefor pour fer en konversasyon avek zot pour konnen si zot enterese. Eski ou kapab reponn wi pour enn parmi sa bann kestyon dan sa bwat ki vin avek sa lartik? Si ou pa asire si en dimoun i enterese i pli bon donn li en trak. Definitivman si i demann en magazin oubyen en lot piblikasyon, nou kapab donn li en kopi.​—Pr 3:27, 28.