Eski Ou en Proklanmater Regilye?
1 Nou tou nou ti rezwir ler nou ti konnen ki Sesel in atenn en maksimonm 213 proklanmater an Out 1999. Vreman en zefor inifye e determinen! Toutfwa i paret ki dan bann mwan apre, serten proklanmater in annan difikilte pour reste regilye dan predikasyon Rwayonm akoz mwayenn pour lemwan depi Out 1998, in apepre 201. Sa i endike ki 12 proklanmater pa’n raport partisipasyon dan predikasyon tou le mwan. Nou panse ki sa bann lankourazman swivan pou ede remedye sa sitiasyon.
2 Apresye sa Privilez: Nou apresyasyon i devret oprofon pour sa privilez ki nou annan, pour partaz sa bon nouvel Rwayonm avek lezot. Sa aktivite i rezwir leker Zeova e ed bann ki leker i senser pour konn sa semen ki anmenn ver lavi. (Prov. 27:11; 1 Tim. 4:16) Temwanny regilyerman i ogmant nou leksperyans dan predikasyon e nou eksperyans en santiman lazwa ek lakonplisman.
3 Raport ou Aktivite: Serten ki partisip dan predikasyon i neglize pour raport zot aktivite aler. Nou pa devret zanmen krwar ki nou zefor pa vo lapenn raporte. (Vwar Mark 12:41-44.) Atoupri, nou devret raport sa ki nou’n akonpli! Annan en laranzman etabli kot ou, par egzanp an servan en kalandriye pour rikord letan ki ou pase dan predikasyon, sa pou ed ou rapel pour fer en rapor egzakt e aler alafen sak mwan.
4 Donn Led Neseser: Laranzman lokal i kapab ganny amelyore pour asiste bann ki bezwen led pour partisip dan predikasyon, tou le mwan. Sekreter kongregasyon ek bann kondikter letid liv i devret aranze ki bann proklanmater pli eksperyanse i donn lanmen. Si ou annan zanfan oubyen bann letid non batize, ed zot pour ganny sa labitid pour met zot rapor predikasyon tou le mwan.
5 Rapel sa leksperyans, “Reconnaissante à Jéhovah pour une Longue Vie à son Service” dan La Tour de Garde le 1 Oktob, 1997. Ser Ottilie Mydland ki sorti Norvez, ti vin en proklanmater regilye avan son batenm an 1921. Swasannsez an plitar, alaz 99, i ti dir: “Mon kontan ki i ankor posib pour mwan reste en proklanmater regilye.” Eski sa i pa en latitid merveye pour tou serviter Zeova imite!