Unis grâce à l’enseignement divin—En Regar lo vre Linite fraternel
En sirveyan rezyonal ti asiste en letid Labib ki ti ganny fer avek en madanm ki pa ti ankor asiste renyon kongregasyon. Sa sirveyan ti demann sa madanm pour regard sa video Unis grâce à l’enseignement divin. Sa menm semenn sa madanm ti asiste en renyon e i ti dir ki i ti vreman kontan pour la prezan. Akoz sa video i prodwir bann rezilta sitan vit koumsa? I ti enpresyonnen pour vwar linite fraternel i egziste parmi nou dan sa monn vyolan e ranpli avek laenn.—Zan 13:35.
Regard sa video pour vwar e santi lape ek lanmour ki bann Temwen Zeova pe rezwir partou lo later. Apre sa, reflesir lo sa bann kestyon:
(1) Akoz ki “L’enseignement divin” ti en tenm apropriye pour bann lasanble ki ti ganny fer an 1993-94?—Mik. 4:2.
(2) Ki laverite Labib i sinifye pour serten fanmiy? Ki sa laverite i sinifye pour ou fanmiy?
(3) Akoz i enportan pour ganny ansennyen par Zeova?—Ps. 143:10.
(4) Ki kalite difikilte ki bezwen ganny sirmonte pour prepar bann gran lasanble enternasyonal?
(5) Konman ki ou’n vwar Psonm 133:1 ek Matye 5:3 in prouve vre pandan en lasanble Kretyen ki ou’n asiste?
(6) Ki levidans piblik ki demontre bann lefe pwisan ki lansennyman divin i fer?—Rev. 7:9.
(7) Ki ti sa pli gran group batenm bann vre Kretyen?
(8) Ki parol Mika, Pyer, ek Zezi ki pe ganny akonpli parmi Temwen Zeova?
(9) Kwa ki montre ou ki en fanmiy ere e ini i pa zis en rev?
(10) Lekel ki ou pou montre sa video, e akoz?
Apre ki i ti’n regard sa video, en ser ti fer en rezimen byen apropriye: “Sa video pou ed mwan plis ankor pour gard antet ki i annan en kantite frer ek ser Kretyen partou lo later ki pe aktyelman servi Zeova fidelman. . . . Pa nou linite fraternel i vreman presye!”—Efe. 4:3.